Скончылі дзявяты сезон праграмы “Універсітэт Залатога Веку”

Змяніць памер шрыфта Болей Меней Скінуць
Скончылі дзявяты сезон праграмы “Універсітэт Залатога Веку”

Урачыстай выпускной вечарынай і інтэграцыйнай вандроўкай завяршылі дзявяты акадэмічны год праграмы УЗВ.

Студэнты, выкладчыкі і партнёры праграмы УЗВ 26 красавіка ўзялі ўдзел ва ўрачыстай вечарыне, прысвечанай сканчэнню дзявятага навучальнага года.

Гучалі вершы, прысвечаныя роднай мове, а таксама песні ў выкананні хору “УЗВышша” пад кіраўніцтвам Ірыны Жыгулінай.

Дырэктарка праграмы УЗВ Лана Руднік і сябра праўлення ГА “Цэнтр “Трэці сектар” Вітаўт Руднік прадставілі вынікі сёлетняга навучальнага года.

Прагучалі цёплыя словы падзякі і шчырыя апладысменты сябрам Рады УЗВ, выкладчыкам курсаў і клубаў, а таксама партнёрам, якія падтрымлівалі дзейнасць УЗВ на працягу гэтага акадэмічнага года.

Многія выкладчыкі дзяліліся сваімі ўражаннямі ад гэтага акадэмічнага года, дзякавалі студэнтам за актыўнасць, адкрытасць і досвед, якім яны ніколі не шкадуюць дзяліцца.

Лана Руднік і Вольга Вялічка, дырэктарка “Гродзенскага дзіцячага хоспіса”

Прывітаць студэнтаў прыйшлі нашыя партнёры, Вольга Вялічка, дырэктарка ГДА “Гродзенскі дзіцячы хоспіс” і  Аляксандр Маршэўскі, прадстаўнік ААТ “Прыёрбанк”.

Удзельніцы курса “ДзіваЛаціна”

Пасля сканчэння ўрачыстай часткі творчыя курсы і клубы УЗВ падрыхтавалі шыкоўны канцэрт.

28 красавіка студэнты УЗВ адправіліся ў інтэграцыйную вандроўку, якой урачыста скончылі дзявяты навучальны год у межах гарадзенскага “Універсітэту Залатога Веку”.

Больш за 70 чалавек узялі ўдзел у традыцыйнай штогадовай вандроўцы. Гэтым разам слухачы і выкладчыкі  УЗВ наведалі сядзібу ў Завоссі і возера Свіцязь, на якім зладзілі агульны пікнік.

“Універсітэт Залатога Веку” сыходзіць на канікулы, якія будуць доўжыцца да верасня бягучага года, калі пачнецца набор ва УЗВ-10.

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY