Травеньскія Гарадзенскія Майстэрні Ведаў: 5 пляцовак, 13 майстар-класаў, больш за 130 слухачоў

Змяніць памер шрыфта Болей Меней Скінуць
Травеньскія Гарадзенскія Майстэрні Ведаў: 5 пляцовак, 13 майстар-класаў, больш за 130 слухачоў

13 траўня 2017 г., ужо ў 4-ы раз у нашым горадзе, адбыліся Гарадзенскія Майстэрні Ведаў. На працягу дня на 5-ці пляцоўках прайшло 13 майстар-класаў, якія наведалі каля 135 слухачоў.

Праграма Майстэрняў 13 траўня была разнастайнай і насычанай. Прайшлі заняткі па танга і ёзе, псіхалогіі і цыгуну. Удзельнікі даведаліся, як пачаць пісаць, калі хочаш стаць пісьменнікам, а таксама як напісаць добры прэс-рэліз, паслухалі парады для таго, хто хоча стаць трэнерам і даведаліся, хто такія доўлы і як аптымізаваць працу свайго кампутара.

«Прэс-рэліз і не толькі. Як грамадскім актывістам пасябраваць са СМІ», вядучая: Ирына Новік

Самыя наведвальныя заняткі: «Кар’ерны Драйв 2: сэлфі падыходы» ад Ларысы Скварцовай і Таццяны Гіжук, «Падказкі-метафары» ад Юліі Багатырэвіч і «Ёга смеху» ад Касі Рэмбезы.

Удзельнікі Майстэрняў падзяліліся з намі сваімі ўражаннямі ад наведаных імі майстар-класаў:

Вікторыя Сідаровіч (слухачка майстар-класа Артура Камароўскага «Як знайсці ў сабе пісьменніка і пачаць пісаць»)
«Сёння нам адкрыўся новы свет, які апынуўся нашмат прасцей і прыязней, чым уяўлялася. Пісаць лёгка, пісаць — гэта проста, як дыхаць. Галоўнае знайсці ў сабе гэта жаданне і сілы яго ажыццявіць.»

Майстар-клас «Як адшукаць у сабе пісьменніка і пачаць пісаць«, вядучы: Артур Камароўскі

Наста Федарцова (слухачка майстар-клас Артура Камароўскага «Як знайсці ў сабе пісьменніка і пачаць пісаць»)
«Занятак быў вельмі цікавым і незвычайным, насычаным практычнымі заданнямі. Артур уцягнуў нас у пісьменніцтва з самай першай хвіліны майстар-класа, калі ён прадставіўся не сваім імем і расказаў не сваю гісторыю жыцця, а потым папрасіў нас зрабіць тое ж самае. Мы пісалі без перапынку на розныя тэмы, пра розныя рэчы. Заданні былі вельмі цікавымі. Я зразумела, што пісаць — гэта задавальненне. Не трэба баяцца памылак, адсутнасці таленту ці яшчэ чаго б там ні было. Гэта ўсё надуманае. Калі ты хочаш пісаць -пішы! І ўсё, што табе для гэтага трэба — пачаць. А калі? Прама зараз! »

«Майстэрня трэнерскіх “фішак”», вядучая: Ганка Барадзіна

Даша Парафінюк (слухачка «Майстэрні трэнерскіх» фішак «ад вядучай Ганкі Барадзінай)
«Больш за ўсё спадабалася атмасфера аўдыторыі, было камфортна абмяркоўваць прапанаваныя практыкаванні. Самым карысным было пачуць пра досвед трэнера майстар-класа, абмеркаваць кампетэнцыі трэнераў. Пачуццё атрыманай інфармацыі і прыемная камунікацыя. Дзякуй за прафесіяналізм!»

Трэнінг «Як спыніць перадачу праблем з пакалення ў пакаленне«, вядучая: Эльвіра Хмяльніцкая

Майя Ляўчук (слухачка трэнінгу Эльвіры Хмяльніцкай «Як спыніць перадачу праблем з пакалення ў пакаленне»)
«Вельмі ўдзячная. У першую чаргу здзіўленая тым, наколькі выкладчык сціпла сябе падае, але адчуваецца, што за яе словамі стаіць вялікі вопыт і гэта вельмі прыемна атрымаць магчымасць бясплатна атрымаць вельмі салідныя веды. На маё здзіўленне, хоць я не маладая мама, для мяне вельмі каштоўнай стала інфармацыі аб тым, як узаемадзейнічаць з дзецьмі. І для сябе я раблю асноўную выснову, што ўсё пачынаецца з сябе, з майго дзяцінства, з маіх узаемаадносін з бацькамі. Я гэта ведала, але сёння вядучая раскрыла гэтую тэму для мяне з новага боку . Яшчэ вельмі спадабалася, што была магчымасць абмяняцца вопытам адзін з адным, удзельнікам выказаць сваё меркаванне. »

Таццяна Гіжук, адна з вядучых трэнінгу «Кар’ерны драйв: сэлфі падыходы»

Кася Рэмбеза (слухачка трэнінгу «Кар’ерны драйв: сэлфі падыходы» ад Ларысы Скварцовай і Таццяны Гіжук)
«Я ў першую чаргу хацела пахваліць прафесійную падрыхтоўку выкладчыкаў. Вельмі цікавы прафесійны падыход. Занятак даў мне вельмі шмат матэрыялу для далейшай працы. Захацелася больш пракансультаваць пытанні, якія ў мяне паўсталі. Занятак быў вельмі добрым трамплінам для мяне. Вельмі класна і вялікі дзякуй. »

Трэнінг “Падказкі метафары”, вядучая: Юлія Багатырэвіч

Ала Кукса (слухачка майстар-класа Юліі Багатырэвіч «Падказкі-метафары»)
На майстар-класе Юліі Багатырэвіч я ўжо другі раз. Гэта вядучая, якая дае мне сілы, жаданне, уменне быць жанчынай, раскрывацца, быць тым, кім я хачу быць. »
Майя Ляўчук (слухачка майстар-класа «Доўла- новая з’ява для соцыума або даўно забытае старое?» ад Ганны Кавалёвай)
«Вельмі натхнёная майстар-класам Ганны Кузняцовай, сэрца радуецца ад таго, што ў нашай краіне, і ў нашым горадзе ў прыватнасці, адраджаецца калісьці забытая традыцыя падтрымкі жанчын пры родах, да родаў і пасля. Мне здаецца гэта вельмі важна, таму што гэта непасрэдна ўплывае на нашых дзетак, на наступнае пакаленне. Спадзяюся, што дзякуючы такому майстар-класу, у тым ліку майстар-класам аб жаночай сутнасці, аб жаночай узаемадапамозе, аб жаночай дружбе, у нас і горад расквітнее яшчэ больш, і краіна падымецца. Я думаю што ўсё пачынаецца з малога, з нашых сем’яў, з сяброўства».

«Аптымізацыя персанальнага кампутара», вядучы Андрэй Мішусцін

Яўген Юнцэвіч (слухач трэнінгу «Аптымізацыя персанальнага кампутара» ад Андрэя Мішусціна)
«Мяне прывяло на трэнінг тое, што мой кампутар у апошні час не вельмі добра працаваў, і я хацеў даведацца нейкія карысныя парады кампетэнтнага чалавека ў гэтым плане. Я цалкам застаўся задаволены, так як гэта вырашыла мае праблемы і таксама я атрымаў навыкі якімі магу дапамагчы сваім сваякам аптымізаваць іх кампутар »

Праграма Гарадзенскія Майстэрні Ведаў пачала сваю дзейнасць восенню 2016 г. Тады ў Гародні адбыліся тры Майстэрні — ў верасні, кастрычніку і лістападзе. Чарговыя Майстэрні ў Гародні пройдуць восенню.

19 Траўня 2017 | Няма каментароў | Пазнакі:

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • “Нёман” арандаваў у “Шахцёра” нападніка Мікалая Януша
    Гродзенскі “Нёман” і салігорскі “Шахцёр” дамовіліся аб арэндзе нападніка Мікалая Януша ў Гродна. Такім чынам футбаліст сезон 2018 года правядзе ў складзе жоўта-зялёных. Сваю прафесійную кар’еру Януш пачаў у складзе «Граніта», дэбютаваўшы ў мацнейшым дывізіёне Беларусі ў сезоне 2008 года. За «Граніт» у Вышэйшай Лізе Мікалай правёў 45 матчаў, у якіх забіў 12 мячоў і […]
  • «Алімпійскі выбар»: Домрачава пералічыць 10 тысяч рублёў гродзенскай школе «Фаварыт»  
     Беларуская біятланістка Дар’я Домрачава, якая заваявала сярэбраны медаль на Алімпіядзе ў Пхенчхане, у рамках праекта «Алімпійскі выбар» пералічыць 10000 рублёў гродзенскай міжраённай СДзЮШАР «Фаварыт». Домрачаву ўразіў відэаролік, зроблены выхаванцамі гэтай школы: «Алімпійскі выбар» – сумесны маштабны праект Прэзідэнцкага спартыўнага клуба, Нацыянальнага алімпійскага камітэта Рэспублікі Беларусь і Міністэрства спорту Рэспублікі Беларусь па падтрымцы дзіцяча-юнацкага спорту ў […]
  • Ад басейнаў да псіхатэрапеўта. Што прапаноўваюць на выбарчых участках у Гродне
    18 лютага ў Беларусі праходзяць выбары ў мясцовыя Саветы дэпутатаў 28-га склікання. У Гродне створана 137 выбарчых участкаў, на якіх балатуецца 45 кандыдатаў. Hrodna.life выбраў тыя ўчасткі ў горадзе, дзе можна не толькі прагаласаваць, але і з карысцю правесці час. Практычна на кожным участку будуць урачыста сустракаць маладых выбаршчыкаў і дарыць ім падарункі, таксама можна […]
  • Забойцу гродзенскага музыканта Арцёма Самойлава прысудзілі да 8 гадоў калоніі
    У Праўдзінскім раённым судзе (Калінінградская вобласць) вынеслі прысуд па справе аб забойстве гродзенскага музыканта Арцёма Самойлава. 30-гадовы грамадзянін Расіі віну прызнаў часткова і атрымаў 8 гадоў турмы, паведамілі ў прэс-службе Праўдзінскага раённага суда. Што здарылася У верасні 2017 года музыка разам са сваімі сябрамі з Гродна адправіўся ў Калінінградскую вобласць у пасёлак Ермакова на заробкі. […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY