Трэнінг для трэнераў у Германіі – цяпер усё залежыць ад нас!

Змяніць памер шрыфта Болей Меней Скінуць
Трэнінг для трэнераў у Германіі – цяпер усё залежыць ад нас!

З 30 сакавіка па 7 красавіка ў нямецкім маляўнічым мястэчку Браўнлагэ прайшоў трэнінг для трэнераў “It’s up to me 4”, у якім прынялі ўдзел 5 трэнерак з Беларусі, дзве з іх, Ганна Барадзіна і Ганна Урбановіч, прадстаўлялі ГА “Цэнтр “Трэці сектар”.

Трэнінг быў арганізаваны НГА NaturKultur (Брэмен, Нямеччына) у партнёрстве з ГА «Цэнтр «Трэці Сектар» у межах праграмы Еўразвяза “Эразмус плюс”. У ім прынялі ўдзел 35 трэнерак і трэнераў з 7 краінаў (Германія, Турцыя, Беларусь, Гішпанія, Македонія, Боснія і Герцагавіна, Грэцыя).

Падчас трэнінга ўдзельнікі пазнаёміліся з рознымі стылямі трэнерства, развілі свае кампетэнцыі ў сферы выступленняў, вучыліся разумець сябе і свае эмоцыі, слухаць іншых і даваць зваротную сувязь, шмат рэфлексавалі над тым, што ўжо ведаюць і чаму яшчэ варта навучыцца.

Па заканчэнні праекта ўдзельнікі ў невялікіх групах спланавалі і правялі ўласныя варкшопы і атрымалі зваротную сувязь ад трэнераў праекта.

Беларускія ўдзельніцы трэнінгу дзеляцца сваімі ўражаннямі.

Ганка Урбановіч, ГА “Цэнтр “Трэці Сектар”:

“Ужо ў першы дзень трэнінга нас запыталі: «Як вы хочаце сябе адчуваць пасля праекта? А праз год?» Было вельмі дзіўна на сесіі па мэтавызначэнні пачаць разважаць пра пачуцці і эмоцыі, а не пра веды і кампетэнцыі, якія хочам атрымаць. Наступным пытаннем было: «Што вам трэба пачаць альбо перастаць рабіць, каб дасягнуць такіх адчуванняў?»

Так цягам усяго курса трэнеры запрашалі звяртаць увагу на свае пачуцці і эмоцыі іншых, глядзець на звыклыя рэчы з іншага пункту гледжання, аналізаваць, дыскутаваць, рэфлексаваць.

Адзначыла для сябе адзін з метадаў рэфлексіі, які асабіста мне падаўся вельмі цікавым і эфектыўным: “dialogue partner” (партнёр для дыялогу). На пачатку трэнінга нам прапанавалі выбраць сабе з удзельнікаў партнёра для рэфлексіі, асобу, з якой кожны дзень на працягу праекта можна было б дзяліцца адкрыццямі, назіраннямі, а таксама атрымліваць падтрымку і зваротную сувязь”.

Юля Сымановіч, Adukacyja.Info:

“Да гэтага трэнінгу для мяне прафесія трэнера была троху загадкавай, базавалася больш на інтуіцыі, пачуцці аўдыторыі і асобнага чалавека. Падавалася, што патрэбна нейкае пэўнае прызначэнне, добры досвед і вялікае сэрца, каб быць трэнерам. І так яно для мяне і засталося. Але зараз я стала больш разумець, як гэта робіцца, таямніца стала нечым больш зразумелым, тым, чаму можа навучыцца амаль кожны, калі ўкладзе шмат намаганняў. Які стыль трэнерства больш блізкі мне? Як выглядае, паводзіць і адчувае сябе паспяховы трэнер? Як утрымаць увагу аўдыторыі? Што рабіць з пачуццямі – сваімі і ўдзельнікаў? І што рабіць, калі ўсё пайшло не так? Адказы на гэтыя і іншыя пытанні мы шукалі на трэнінгу, спрабавалі, цярпелі неўдачы, спрачаліся, дамаўляліся, крэатывілі і атрымоўвалі падтрымку і крытыку трэнерскай каманды. Я вярнулася натхнёнай і з разуменнем сваіх слабых і моцных трэнерскіх бакоў”.

Ганка Барадзіна, ГА “Цэнтр “Трэці сектар”:

“Яшчэ да трэнінгу мы атрымалі для самарэфлексіі Мадэль кампетэнцый трэнера, распрацаваную рэсурсным цэнтрам SALTO ў супрацы з міжнароднымі экспертамі і трэнерамі. Мне было вельмі цікава і карысна паразважаць, якімі кампетэнцыямі і ведамі я валодаю, што хацелася б паглыбіць на трэнінгу, чым яшчэ буду займацца пасля яго, што атрымалася развіць.

Як зазначылі арганізатары, толькі 30% ведаў і кампетэнцый мы змаглі набыць на самім 8-дзённым трэнінгу, астатнія 70%, як кажа сама назва трэнінгу – It’s Up To Us (англ. “залежыць ад нас”). Таму будзем запаўняць свае прагалы ў ведах, камунікаваць з ментарамі і іншымі ўдзельнікамі, развіваць сумесныя праекты і, вядома, практыкаваць свае трэнерскія навыкі дома ў Беларусі. Так што чакайце новых мажлівасцяў! Пакуль што я збіраюся 13 траўня падзяліцца набытымі трэнерскімі “фішкамі” на Гарадзенскіх майстэрнях ведаў, спадзяюся, там і пабачымся!”

Міла Высоцкая, “Лабараторыя медыяцыі і практычнай канфлікталогіі” (Філіял РГСУ г. Мінск)

“Для мяне было цікава назіраць за тым, як трэнеры з розным стылем правядзення трэнінгу працуюць разам. Больш за тое, неацэнным было адсочваць, як матэрыял, прадстаўлены ў рамках розных стыляў, успрымаецца і засвойваецца. Зразумела, што ў сваёй працы мы не заўсёды дзейнічаем выключна ў адным стылі, але неабходна знайсці баланс і па максімуму выкарыстоўваць моцныя бакі сваёй асобы.

Напэўна, самым важным для мяне за гэтыя 8 дзён была магчымасць адчуць яшчэ раз, наколькі важна браць адказнасць за кожны свой крок і мець уяўленне аб тым, куды ты хочаш у выніку прыйсці. Не толькі ў працы трэнера, але ў цэлым у жыцці”.

Глядзіце відэа з праекта:

Фота і відэа: Стэфан Лакіч

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Беларускі адказ AliExpress: Onliner запусціў новую сістэму аплаты Onliner Pay
    13 лютага, напярэдадні святкавання 19-годдзя, Каталог Onliner сумесна з МТБанкам прэзентавалі новую сістэму online-плацяжоў – Onliner Pay. З запускам сістэмы Onliner пераўтварыўся ў паўнавартасны маркетплэйс, які працуе па мадэлі AliExpress. Onliner Pay стварае камфортныя ўмовы для пакупнікоў і прадаўцоў: першыя могуць быць упэўненыя ў хуткім і беспраблемным вяртанні грошай без лішняй бюракратыі, другія – у […]
  • Палякі абурыліся аднаўленьнем касьцёла ў Беларусі, дзе быў пахаваны кароль Станіслаў Панятоўскі. Што ня так?
    Польскія навукоўцы засталіся незадаволеныя рэканструкцыяй старадаўняга касьцёла ў мястэчку Воўчын на Берасьцейшчыне, дзе спачывалі парэшткі апошняга караля Рэчы Паспалітай і які спачатку аднаўляў польскі бок. Пробашч парафіі патлумачыў, чаму гісторыка-культурная каштоўнасьць у такім стане. Піша “Радыё Свабода”. Чаму мы пра гэта пішам? Нядаўна ў сеціве зьявіліся фатаздымкі касьцёла, якія зрабілі польскія навукоўцы ўвосень 2019 году. Яны засталіся […]
  • Тэлеканал “Беларусь 3” у Дзень роднай мовы выйдзе ў эфір цалкам на беларускай мове
    21 лютага ва ўсім свеце па ініцыятыве ЮНЭСКА адзначаецца Міжнародны дзень роднай мовы. Тэлеканал “Беларусь 3” у гэты дзень прапануе цалкам беларускамоўны эфір з найлепшымі тэлепраектамі ўласнай вытворчасці, мастацкімі і дакументальнымі стужкамі на роднай мове, паведамілі БЕЛТА ў прэс-службе Белтэлерадыёкампаніі. Артэфакты, традыцыі, героі Гледачоў “Беларусь 3” чакаюць выпускі пазнавальных праектаў, якія адлюстроўваюць розныя бакі нашай […]
  • На Фолюшы замест казармаў пабудуюць шматпавярхоўкі
    У аснову будучага праекта закладзены шматпавярхоўкі ад трох да дзесяці паверхаў. Жылы комплекс будзе цесна ўвязаны з спускамі да Ласасянкі, дзе ўжо фармуецца зона адпачынку гараджан. Магчыма, у будучыні ў жылым комплексе пабудуюць аб’екты сацыяльнага прызначэння. Пра гэта grodnonews.by распавёў галоўны архітэктар ААТ «Гроднажылбуд» Алег Валканоўскі. Абяцаюць, што Фолюш будзе “выключнай разыначкай”. На землях,  якія […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY