Трэнінг ва Украіне: матывацыя зрабіць як мага больш

Змяніць памер шрыфта Болей Меней Скінуць
Трэнінг ва Украіне: матывацыя зрабіць як мага больш

Рая, Аксель і Эвеліна, ЕВС-валанцёры ГА “Цэнтр “Трэці сектар”, правялі чатыры дні на трэнінгу ў Кіеве і дзеляцца сваімі ўражаннямі.

Midterm Training праходзіў у маленькай вёсцы побач з Кіевам 25-28 сакавіка. У ім прымала ўдзел 16 валанцёраў, якія зараз працуюць па праграме ЕВС у розных арганізацыях Украіны, Малдовы і Беларусі.

“Наведванне трэнінга дапамагло мне зразумець, што я ўжо зрабіла, а таксама зматывавала зрабіць як мага больш за ты час, што ў мяне яшчэ застаўся. Было вельмі прыемна зноў пабачыць валанцёраў з іншых арганізацый, з якімі мы пазнаёміліся падчас on-arrival training. Было вельмі цікава даведацца, як развіліся іх праекты, абмяняцца ўражаннямі і досведам, а таксама запланаваць падарожжы адзін да аднаго”, – кажа Рая Вагнер.

Аксель Грусон: “Трэнінг быў вельмі карысны для таго, каб ацаніць мой праект. У мяне з’явіліся ідэі таго, што я яшчэ магу зрабіць у Гродна, а таксама што рабіць пасля праекта. Таксама было вельмі цікава наведаць Кіеў разам з іншымі валанцёрамі.”

Эвеліна Пачка“Апошнія дні сакавіка былі для мяне добрым часам. Разам з Раяй, Акселем і іншымі валанцёрамі, якія працуюць у Харкаве, Кішынёве і Мінску я правяла іх на чарговым, ужо другім, трэнінгу ва Украіне. Гэтым разам у нас была магчымасць адчуць атмасферу сталіцы гэтай краіны – Кіева. Гэтыя чатыры дні праляцелі неверагодна хутка. Час сыходзіў на практыкаванні, дыскусіі з трэнерамі і размовы з іншымі валанцёрамі. Асаблівую радасць прынеслі сустрэчы з людзьмі, з якімі мы сустракаліся ўжо раней, падчас першага трэнінгу ў Львове, і абмен досведам, атрыманым падчас праектаў.”

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY