Цэнтр міжпакаленчага паразумення абвяшчае набор валанцёраў

Змяніць памер шрыфта Болей Меней Скінуць
Цэнтр міжпакаленчага паразумення абвяшчае набор валанцёраў

«Нашыя дзеці не падобныя да нас. Да каго яны падобныя? Да свайго часу, адно да аднога».
Святлана Алексіевіч, Нобелеўскі лаўрэат па літаратуры.

Цэнтр міжпакаленчага паразумення, які ствараецца на базе «Універсітэту Залатога Веку», запрашае людзей рознага ўзросту стаць валанцёрамі.

Каго мы шукаем?

Усіх ахвотных зразумець сябе, сваіх блізкіх і далёкіх; пераасэнсаваць гістарычныя падзеі ў лёсе прадстаўнікоў розных пакаленняў; дапамагчы тым, хто трапіў у складаную жыццёвую сітуацыю.

Нам патрэбныя:

Асобы, якім цікава было б працаваць ў камандзе з разнастайнымі людзьмі ды індывідуальна, развіваць навыкі камунікацый, разумець людзей пасляваеннага і сучаснага пакалення, наладжваць сяброўскія сувязі, выконваць рэальна патрэбныя задачы і атрымліваць задавальненне ад добрых справаў, атрымаць веды і досвед догляду за сталымі людзьмі, кансультацыі з прафесіяналамі.

Моладзь, адкрытая да новага і пераасэнсавання ўжо вядомага, якой бы было цікава вучыцца і развівацца, займацца фандрайзінгам, працаваць з медыя, арганізоўваць акцыі, збіраць успаміны і ствараць цікавыя медыя-прадукты.

Чым будзем займацца?

Асноўныя накірункі працы Цэнтра:

  • Персанальнае ментарства, дапамога немабільным і маламабільным сталым людзям
  • Вусная памяць, праца з успамінамі
  • Арганізацыя акцый, падзей, сустрэч, кампаній
  • Праца з партнёрамі і медыя (фандрайзінг, піяр, сацсеткі)
  • Навучанне і абмен досведам

Таксама мы адкрытыя да любых іншы прапаноў, якія былі б цікавыя вам і карысныя грамадству.

Што мы прапануем?

Ваш унёсак у працу праекта, скіраванага на паляпшэнне якасці жыцця людзей і паразумення паміж рознымі пакаленнямі, досвед працы ў камандзе адданых, добрых, шчырых людзей, падтрымка ад іншых удзельнікаў і каардынатараў.

Рэкамендацыі і рэальны досвед працы для вашага рэзюмэ, магчыма праходжанне практыкі для студэнтаў. Развіццё навыкаў працы з людзьмі, досвед працы з вуснымі ўспамінамі і стварэння медыя-прадуктаў, навыкі камунікацыі (у тым ліку з замежнымі партнёрамі), навучанне ў экспертаў.

Колькі гэта зойме часу?

Ад 2 гадзін на месяц, у залежнасці ад вашых магчымасцяў ды жаданняў. Падбярэм расклад, які будзе вам пасаваць.

Як стаць удзельнікам?

Каб стаць валанцёрам і атрымаць заяўку на першую сустрэчу, неабходна запоўніць электронную анкету або атрымаць друкаваную ў офісе “Універсітэту Залатога Веку” (Будзёнага, 48а-63).

Кантакты: Ганка Барадзіна (вкфб, hanna.baradzina@gmail.com, +375297792883)

Прагледзець прыклады добрых справаў, якімі займаюцца валанцёры ва “Універсітэце Залатога Веку”.

Праект “Універсітэт Залатога Веку: развіццё актыўнасці і самадапамогі сталых жыхароў Гродна” рэалізуецца грамадскім аб’яднаннем “Цэнтр “Трэці сектар” і прафінансаваны Фондам “Памяць, адказнасць і будучыня” (EVZ) у межах праграмы “Месца сустрэчы: дыялог”. Арганізатар праграмы ў Беларусі – міжнароднае грамадскае аб’яднанне “Узаемапаразуменне”.

Гэтая публікацыя не адлюстроўвае меркаванне фонда EVZ. Адказнасць за змест нясе аўтар/нясуць аўтары.

21 Кастрычніка 2015 | Няма каментароў | Пазнакі: ,

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • У Гродне пачалі працы па пабудове вялікага кальца
    Вялікае кальцо вакол Гродна плануюць пабудаваць да 2030 года. Будаўніцтва разбіта на пяць этапаў. Першы з іх – рэканструкцыю былога чыгуначнага маста пад аўтамабільны з выхадам на М6 – ужо ўзялі ў працу, паведамляе «Гродзенская праўда». Цяпер адначасова працуюць над чатырма аб’ектамі пабудовы аб’язной дарогі. На трох з іх задзейнічаны ААТ «Дарожна-будаўнічы трэст №6 г. […]
  • Беларусы не атрымаюць біяметрычныя пашпарты ў студзені 2020
    Дату выдачы біяметрычных пашпартоў у Беларусі зноў змянілі, паведамляе TUT.BY. Першапачаткова планавалася ўвесці іх у студзені 2019, пазней — у студзені 2020. — Па тэхнічных прычынах тэрміны, хутчэй за ўсё, перанясуцца, — сказаў карэспандэнту TUT.BY намеснік міністра ўнутраных спраў — начальнік міліцыі грамадскай бяспекі Мікалай Мельчанка. — Ведамства узгадняе пэўныя пытанні. Над пераходам на ID-карткі […]
  • “Нёман” пачаў з перамогі над “Данбасам” у Кантынентальным кубку
    15 лістапада ў стартавым матчы паўфінальнага турніру Кантынентальнага кубка ў польскім Кракаве “Нёман” быў мацнейшы за чэмпіёна Украіны “Данбас” з Данецка – 4:3 (АД). Вырашальны кідок у авертайме на свой рахунак запісаў Сцяпанаў. “Нёман” – “Данбас” – 4:3 галы: 01:58 1:0 – Ляўша (Хурры, Рэмезаў) 09:02 2:0 – Сцяпанаў (Кіслы, Рэмезаў, – бол.) 24:15 2: […]
  • Паехалі ў Нямеччыну і не выходзяць на сувязь. Два гродненцы зніклі на заробках
    Пошукава-выратавальны атрад “ЦэнтрСпас” размясціў інфармацыю пра гродзенцаў Ігара Тупіка і Кірыла Мароза. Хлопцы паехалі на заробкі ў Нямеччыну і не выходзяць на сувязь. Кірыл Мароз з’ехаў у Еўропу ў ліпені 2019 года. На выгляд хлопцу 20 гадоў, рост каля 175 см, валасы сярэдняй даўжыні рудага колеру. Ігар Тупік адправіўся на заробкі 19 жніўня. Месцазнаходжанне хлопцаў […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY