Цірольскія нататкі гарадзенскай валанцёркі

Змяніць памер шрыфта Болей Меней Скінуць
Цірольскія нататкі гарадзенскай валанцёркі

Тры маладзёны з Беларусі, Арменіі і Грузіі прынялі ўдзел у праекце “Магчымасці моладзевага ўсходнееўрапейскага партнёрства”, які адбыўся ў аўстрыйскім горадзе Інсбруку.  Праект быў рэалізаваны ў межах еўрапейскай праграмы “Моладзь у дзеянні” пры падтрымцы аўстрыйскай арганізацыі InfoEck.

Падчас праекта ўдзельнікі даведаліся, як распрацаваць і арганізаваць праект у межах праграмы “Моладзь у дзеянні”, наведалі моладзевыя ўстановы рэгіёна Тыроль, сустрэліся з моладзевымі актывістамі, каардынатарамі і валанцёрамі EVS (Еўрапейская валанцёрская служба), прадстаўнікамі Нацыянальнай аўстрыйскай агенцыі Сальта.

У першыя дні ўдзельнікі праекта знаёміліся з дзейнасцю цірольскай арганізацыі InfoEck – моладзевым інфармацыйным цэнтрам ў Інсбруку. Інфаэк аказвае інфармацыйную падтрымку моладзі і моладзевым арганізацыям. Тут маладыя людзі могуць атрымаць дапамогу ў пошуках працы, бясплатную юрыдычную кансультацыю, даведацца пра прапановы працы і навучання за мяжой. Акрамя гэтага, Інфаэк каардынуе арганізацыю моладзевых праектаў у межах праграмы “Моладзь у дзеянні” і дзейнасць усіх валанцёраў EVS не толькі ў Інсбруку, а і ва ўсім рэгіёне Ціроль.

Каманда “Інфаэк” адказвае на пытанні моладзі пра  магчымасці  навучання і працы за мяжой

Удзельнікі праекта наведалі некалькі моладзевых цэнтраў рэгіёна Ціроль. Каля 20 гадоў таму моладзевыя цэнтры былі заснаваныя па ініцыятыве аўстрыйскіх уладаў для таго, каб падлеткі мелі пляцоўку, дзе ў вольны ад школы час яны могуць сустракацца, бясплатна карыстацца кампутарам і інтэрнэтам, выконваць хатняе заданне ці проста бавіць час разам. У кожным моладзевым цэнтры ёсць міні-бар, дзе наведвальнікі могуць бясплатна ці за сімвалічную плату замовіць каву ці гарбату, а таксама скейт-пляцоўка і невялікая канцэртная заля, дзе пачынаючыя музыканты ладзяць свае канцэрты. Такія цэнтры ёсць у кожным, нават невялікім правінцыйным тырольскім горадзе і карыстаюцца вялікай папулярнасцю сярод падлеткаў. Уваход у моладзевы цэнтр бясплатны.

Большасць наведвальнікаў моладзевых цэнтраў – хлопчыкі 12-16 гадоў

У Інсбруку працуе вялікая колькасць валанцёраў з розных краінаў, але асабліва шмат прыязджае з Гішпаніі. Па словах аднаго з гішпанскіх валанцёраў, найбольшую папулярнасць валанцёрства набыла ў іх краіне падчас крызісу, калі маладыя людзі сталі адчуваць складанасці з пошукамі працы. Гішпанцы не адзіныя, хто імкнецца паехаць у Аўстрыю за лепшым жыццём. У гэтай адной з самых высокаразвітых краінаў Еўропы жыве і працуе вялікая колькасць імігрантаў з усяго свету. Гадоў 15-20 таму у краіне не хапала працоўнай сілы, таму сюды запрашаліся спецыялісты і рабочыя з іншых краін. Цяпер працаздольных людзей хапае, але замежнікі працягваюць ехаць. Таму не дзіва, што грамадскіх арганізацый, якія займаюцца пытаннямі міграцыі, тут надзвычай шмат. А дабрачынная арганізацыя “Карытас” заснавала ў Інсбруку нават своеасаблівы інтэрнат для імігрантаў, дзе людзі з розных краінаў свету могуць здымаць жыллё за сімвалічную плату. Акрамя жылых пакояў, на тэрыторыі інтэрната знаходзяцца невялікія касцёл і мячэць, сталовая і нават дзіцячы садок. У інтэрнаце пражывае больш за 100 чалавек, тэрмін пражывання неабмежаваны – нехта адразу знаходзіць сабе лепшае жыллё, уладкаваўшыся на добрую працу, а хтосьці жыве тут па некалькі гадоў. У інтэрнаце ладзяцца акцыі, накіраваныя на адаптацыю імігрантаў у Аўстрыі, і іншыя цікавыя праекты. Напрыклад, кожную пятніцу ў сталоўцы інтэрната арганізуецца вечар кухні якой-небудзь адмысловай краіны. А ў мінулым годзе ў інтэрнаце праводзілася акцыя, падчас якой жыхары пісалі свае імёны на сценах будынка. Сярод іншых знайшлося тут і імя нашай зямлячкі.

У суседнім ад Інсбрука горадзе Вёргле дзейнічае арганізацыя “Issba” – тут беспрацоўнаму прапаноўваюць часовае працоўнае месца, пакуль ён не знойдзе сталае месца працы. Выглядае цэнтр часовага працаўладкавання як міні-фабрыка з разнастайнымі відамі дзейнасці, дзе агулам працуе 30 чалавек. У цэнтра ёсць дамоўленасць з некаторымі ўстановамі горада па аказанню ім паслугаў. У адным з памяшканняў, напрыклад, працоўныя вырабляюць на станках дробныя дэталі для гарадскога механічнага завода, у другім робяць прадукты з другаснай сыравіны. Прадукцыя з другаснай сыравіны карыстаецца асаблівым попытам – гэта сумкі, тэчкі, заплечнікі, зробленыя з рэкламных плакатаў, якія засталіся ў горадзе пасля правядзення тут Алімпійскіх гульняў.

Цэх па вытворчасці прадукцыі з другаснай сыравіны

Цікавая ўстанова знаходзіцца ў прыгарадзе Інсбрука – гарадку Імст. Гэта цэнтр дапамогі людзям з псіхалагічнымі растройствамі. Наведваюць заняткі ў цэнтры людзі, якія перанеслі псіхалагічнае захворванне – дэпрэсію або сур’ёзнае нервовае растройста. Унікальнасць цэнтра ў тым, што акрамя псіхалагічнай дапамогі, якую атрымліваюць наведвальнікі, тут існуе сістэма часовага працаўладкавання людзей з псіхалагічнымі захворваннямі. У сталоўцы, якая дзейнічае пры цэнтры і з’яўляецца вельмі папулярнай у горадзе, частка працаўнікоў з’яўляюцца кліентамі цэнтра. Такім чынам у людзей, якія перанеслі псіхілагічнае захворванне, з’яўляецца магчымасць зноў вярнуцца да працы, адчуць звычайнае жыццё. Максімальны час, які можа працаваць кліент цэнтра ў гэтай сталоўцы – адзін год, за гэты час ён павінен знайсці сабе іншую працу. Акрамя гэтага, у цэнтры праводзяцца заняткі па рэабілітацыі – арт-тэрапія, заняткі з псіхолагам. Цэнтр з’яўляецца недзяржаўнай арганізацыяй і ўсе паслугі аказвае бясплатна, выкарыстоўваючы прыбытак ад сталовай на патрэбы арганізацыі.

Арт-тэрапія – самы ўлюбёны занятак кліентаў цэнтра

Падчас праекта ўдзельнікі атрымалі магчымасць не толькі даведацца пра асаблівасці працы з моладдзю ў рэгіёне Ціроль, але і атрымалі агульнае ўражанне пра дзейнасць аўстрыйскіх недзяржаўных арганізацый, параўналі асаблівасці працы грамадскіх аб’яднанняў у Аўстрыі, Беларусі, Грузіі і Арменіі і абмеркавалі магчымасці будучага супрацоўніцтва і запланавалі сумесныя праекты.

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Ці гатовы гродзенцы сустрэць каронавірус? Hrodna.life правёў апытанку (відэа)
    Пасля паведамлення аб першым хворым на каронавірус на тэрыторыі Беларусі, 28 лютага, журналісты Hrodna.life вышлі на вуліцы горада з апытанкай. Ці  рыхтуюцца гараджане да магчымага распаўсюду захворвання?  Ці ведаюць людзі аб мерах перасцярогі? Ці можна купіць маскі ў  нашым горадзе? Адказы – у відэа. Чытай больш: Каронавірус у Літве, прэзідэнт на карантыне і заражэнне сабакі. […]
  • Фотафакт: Па Гродне шпацыраваў мужчына ў ахоўным касцюме
    Увечары 28 лютага ў цэнтры Гродна быў заўважаны мужчына ў ахоўным касцюме. Хто ён і навошта апрануў гэты касцюм – загадка. Ад каментароў хлопец адмовіўся. Мінакі з усмешкай сустракалі мужчыну, некаторыя падыходзілі і фатаграфаваліся. 28 лютага стала вядома аб пацверджаных выпадках каранавіруса ў Беларусі. Інфікаваным апынуўся іранскі студэнт, які прыбыў у Мінск самалётам з Баку. […]
  • Не ешце фастфуд і не скупляйце маскі. Як пазбегнуць каранавірусу
    Доктар з Гродна Уладзімір Пруднікаў падзяліўся парадамі, як пазбегнуць каронавірусу. Расказваем, чаму пакуль не варта есці фасфуд, чаму маскі патрэбныя не ўсім, што рабіць, калі адчулі сябе дрэнна. І галоўнае – не панікуйце!  The post Не ешце фастфуд і не скупляйце маскі. Як пазбегнуць каранавірусу appeared first on Hrodna.life.
  • Стала вядома, калі адкрыецца ГЦ “Kazzarma Mall”
    У суботу, 7 сакавіка, у Гродне адкрыецца ГЦ «Kazzarma Mall» па адрасе вул. Шчорса, 11а. У праграме – выступленне духавога аркестра, раздача кветак, бясплатная ўпакоўка падарункаў, розыгрышы сертыфікатаў і мноства прыемных падарункаў. Святочная праграма адкрыцця пачнецца ў 12:00. У праграме мерапрыемства таксама інтэрактыўная праграма з наведвальнікамі і розыгрыш падарункаў. Для дзяцей – забаўляльная праграма з […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY