“У Гродна я вярнулася перапоўненая пазітыўнай энергіяй” – ЕВС-валанцёры пасля трэнінгу

Змяніць памер шрыфта Болей Меней Скінуць
“У Гродна я вярнулася перапоўненая пазітыўнай энергіяй” – ЕВС-валанцёры пасля трэнінгу

Эвеліна і Аксель, валанцёры ГА “Цэнтр “Трэці сектар”, правялі амаль тыдзень на трэнінгу ў Слаўскім ва Украіне і цяпер дзеляцца сваімі ўражаннямі.

Эвеліна:

“Прайшоў ужо месяц ад майго прыезду ў Беларусь і пачатку валанцёрства ў “Цэнтры “Трэці сектар”. Гродна павольна перастае з’яўляцца для мяне terra incognita і становіцца “маім горадам”. Гуляючы па горадзе, усміхаюся і прывітаю знаёмых вулічных прадаўцоў сувеніраў, усё найрадзей губляюся ў лабірынтах гарадзенскіх вуліц і завулкаў. Таму я пачала сумаваць за горадам і яго атмасферай яшчэ перад тым, як паехаць на тыдзень ва Украіну.

На апошні тыдзень верасня быў запланаваны трэнінг для валанцёраў, якія працуюць у Беларусі, Украіне і Малдове. Трэнінг праходзіў у гарадку Слаўскае ў заходняй Украіне. Мы сабралі заплечнікі і паехалі з Акселем у дарогу – напачатку да Баранавіч і Львова, потым у Слаўскае ў Карпатах. На месца мы прыехалі стомленыя, але шчаслівыя – у цягніку мы паспелі пазнаёміцца ўжо з некаторымі валанцёрамі, а перад намі расцягваўся від на маляўнічыя горы. Першы вечар мы адпачывалі пасля падарожжа і знаёміліся з людзьмі з Бельгіі, Фінляндыі, Францыі, Галандыі, Ірландыі, Славакіі, Румыніі і Вялікабрытаніі. Ва Украіне мы правялі сем дзён (пяць у Слаўскім і два дні ва Львове). Гэта быў час цікавых тэарэтычных лекцый, разнастайных практыкаванняў і натхняльных размоваў з удзельнікамі і арганізатарамі трэнінгу. Падчас трэнінгу мы маглі падзяліцца ўласным досведам валанцёрскай працы і распавесці  пра жыццё ў Беларусі, Украіне і Малдове.

У Гродна я вярнулася перапоўненая пазітыўнай энергіяй, з заплечнікам, поўным лісця з Карпатаў і каштанамі са Львова. З нецярпеннем чакаю наступнага трэнінгу і сустрэчы з новазнаёмымі валанцёрамі.”

Аксель:

“Мне пашчасціла атрымаць асалоду ад майго “On-arrival-трэнінгу”, які адбыўся ў Слаўскім, у асяроддзі вельмі прыгожых Карпацкіх пейзажаў.

Трэнінг працягваўся 5 дзён, і напрацягу гэтага часу мы пазнаёміліся і пасябравалі з іншымі валанцёрамі, атрымалі шмат інфармацыі пра праграму ЕВС, працавалі над нашымі персанальнымі праектамі. Таксама рабілі шмат сацыяльных гульняў і  практыкаванняў на пабудову каманды.

Мэта трэнінгу – забяспечыць валанцёраў падтрымкай, развіць іх пачуццё салідарнасці, актыўнага ўдзелу і стварыць сетку паміж валанцёрамі, а таксама падзяліцца меркаваннямі і досведам праз культурны абмен. У мяне была магчымасць параўнаць мой праект з праектамі іншых, запытаць савет.

Таксама я правёў два дні ва Львове. Гэта вельмі прыгожы і прывабны горад. Мяне здзівіла тое, як моцна ён мне спадабаўся. Стары горад выглядае як Прага, некаторыя будынкі нагадваюць Парыж ці Неапаль. Але атмасфера ва Львове ўнікальная. Гэтае месца варта наведаць.”

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • “Дажынкі” ў Іўі: ежа-арт і агра-трэш. Глядзім, чаго было больш
    Конкурсныя караваі з разнастайнай аздобай, батонавае дрэва, жанчына-стол, інсталяцыі з яблык і гарбузоў, бульбяны конь і скокі з караваямі – “Дажынкі” пакрысе ператвараюцца ў адмысловы фэст ежа-арту. Канешне не абышлося і без звыклых ужо для афіцыйных “Дажынак” скульптур – саламяных лялек з пукатымі вачыма, дзедаў ды бабак на вазах і г.д.  Глядзім падборку фота, як […]
  • У Іў’і падарылі электрамабілі раённай бальніцы і цэнтру сацабслугоўвання
    Двума новымі электрамабілямі беларускай зборкі папоўніўся аўтапарк сацыяльнай сферы Іўеўскага раёна, перадае БЕЛТА. Такі незвычайны падарунак зрабіў Міністр прыродных рэсурсаў і аховы навакольнага асяроддзя Беларусі ў гонар абласнога фэсту-кірмашу “Дажынкi”. Міністр прыродных рэсурсаў і аховы навакольнага асяроддзя Андрэй Худык уручыў ключы ад электрамабіляў прадстаўнікам цэнтра сацыяльнага абслугоўвання насельніцтва Іўеўскага раёна і Іўеўскага цэнтральнага раённага шпіталя. Мінпрыроды […]
  • Чаму колькасць беларусаў, што з’язджаюць у Польшчу на заробкі, за тры гады вырасла ў 14 разоў
    BBC прааналізаваў колькасць запрашэнняў, атрыманых беларусамі ад польскіх працадаўцаў, і выявілася, што колькасць беларусаў, якія з’язджаюць на заробкі ў Польшчу, з 2014 па 2017 год вырасла ў 14 разоў. У мінулым годзе на працу да суседзяў з’ехаў цэлы беларускі райцэнтр. У пошукавіках Google і «Яндэкс» запыты пра працу ў Польшчы апераджаюць традыцыйныя яшчэ нядаўна пошукі […]
  • У Гродне адбудзецца мітап Inspired BY Рэгіён для гарадскіх актывістаў
    У праекта INSPIRED BY (раней вядомага як Mediabarcamp) доўгая гісторыя па ўлучэнні дэмакратычных актывістаў і арганізацый з Беларусі ў працэсы гарадскога актывізму, знаёмства з культурай супрацы, заснаванай на дэмакратычных прынцыпах. Сёлета, упершыню ў гісторыі, праект прыходзіць у рэгіёны Беларусі. Inspired BY Рэгіён будзе праходзіць у чатырох рэгіёнах (Віцебск, Брэст, Горадня, Гомель) напрацягу цэлага дня, каб […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY