У Гродне прадставілі канцэпцыю кампаніі “Горад, прыязны да сталых людзей”

Змяніць памер шрыфта Болей Меней Скінуць
У Гродне прадставілі канцэпцыю кампаніі “Горад, прыязны да сталых людзей”

Зрабіць Гродна горадам, камфортным для людзей розных пакаленняў. Такую амбітную мару маюць арганізатары Круглага стала “Горад, прыязны да сталых людзей”, які адбыўся 20 траўня ў Гродне.

 Круглы стол быў арганізаваны ўстановай “Цэнтр дадатковай адукацыі дарослых “Студыя карысных кампетэнцый” і праграмай “Універсітэт Залатога Веку” і праводзіўся ў межах Тыдня ўстойлівага развіцця.

Круглы стол Горад, прыязны да сталых людзей

Удзел у мерапрыемстве ўзялі прадстаўнікі грамадскіх арганізацый, ВНУ, упраўлення аховы здароўя аблвыканкаму, абласной міліцыі.

Круглы стол Горад, прыязны да сталых людзей

Мэтай сустрэчы была прэзентацыя кампаніі “Горад, прыязны да сталых людзей”, якую арганізатары Круглага стала прануюць здзяйсняць у горадзе на працягу некалькі бліжэйшых гадоў.

Круглы стол Горад, прыязны да сталых людзей

Праца Круглага стала распачалася з выступу кіраўніцы праграмы “Універсітэт Залатога Веку” Ланы Руднік, якая распавяла пра выклікі, якія стаяць перад нашай краінай у сувязі з хуткім старэннем насельніцтва.

У прыватнасці, было адзначана, што па класіфікацыі Сусветнага банка, ужо зараз Беларусь аднесена да ліку “імкліва старэючых краін”. Амаль кожны чацьвёрты беларус сёння – пенсіянер. Да 2030 г. колькасць людзей сталага ўзросту ў нашай краіне перавысіць 30%.

На сто працуючых людзей у 2020 г. будзе прыпадаць 67 пенсіянераў. Пры гэтым у краіне дагэтуль няма нацыянальнай стратэгіі дзеянняў, звязанай са старэннем насельніцтва, бракуе сістэмнай комплекснай працы па забеспячэнні годных умоваў жыцця сталых людзей, іх актыўнага ўдзелу ў жыцці грамадства.

Достойное старение – вызовы для Беларуси from Third Sector

На праблемныя пытанні, звязаныя з аховай здароўя сталых людзей, звярнула ўвагу галоўны пазаштатны герыатр г. Гродна Ганна Станеўская.

Паводле яе словаў, у 6 паліклініках горада абслугоўваецца больш за 82 тыс. сталых людзей (25% ад усяго насельніцтва горада). Пры гэтым у горадзе працуе (і то на 0,5 стаўкі) толькі адзін герыятр (спецыяліст па хваробах, звязаным са сталым векам). Стаўкі абласнога герыятра няма ўвогуле. На увесь горад і раён ёсць толькі 15 ложкаў сястрынскага дагляду ў шпіталі №2 і Індурскім сельскім шпіталі. Гарадзенскі медуніверсітэт не займаецца падрыхтоўкай герыятраў.

Пытанням бяспекі сталых людзей быў прысвечаны выступ старэйшага інспектара ўпраўлення аховы правапарадку і прафілактыкі міліцыі грамадскай бяспекі ўпраўлення ўнутраных справаў Гродзенскага аблвыканкаму Уладзіміра Рамашкі.

Па яго словах, за 4 месяцы бягучага года ў дачыненні да сталых людзей у вобласці былі здзейснены 274 злачынствы.

Сталыя людзі найчасцей становяцца ахвярамі крадзяжоў, здараюцца таксама выпадкі махлярства ў дачыненні да сталых. Таму гарадзенская міліцыя вядзе тлумачальную працу са сталымі людзьмі і іх сваякамі. Адмысловая тлумачальная праца вядзецца таксама з банкаўскімі і сацыяльнымі работнікамі, каб тыя таксама тлумачылі сталым людзям, як не стаць ахвярамі падману.

Адразу на Круглым стале была абмеркаваная ідэя стварэння ў Гродне “Школы бяспекі”, у якой супрацоўнікі міліцыі, міністэрства па надзвычайных сітуацыях, медыкі тлумачылі б сталым гарадзенцам, як не патрапіць у крытычныя сітуацыі і як рэагаваць на такія сітуацыі, калі яны здараюцца.

Адным з асноўных вынікаў кампаніі мае стаць далучэнне Гродна да міжнароднай сеткі гарадоў, прыязных да сталых людзей.

Пра тое, што гэта за сетка, якія яна мае мэты і як далучыцца да яе распавяла асістэнтка кіраўніка праграмы УЗВ Ганка Барадзіна.

Age-friendly cities and communities from Third Sector

Старшыня грамадскага аб’яднання “Цэнтр “Трэці сектар” Вітаўт Руднік прадставіў у сваім выступе ключавыя элементы кампаніі “Горад, прыязны да сталых людзей”.

Круглы стол Горад, прыязны да сталых людзей

Гэта і стварэнне грамадскай рады па справах сталых людзей пры гарвыканкаме, і заснаванне “Залатой карткі сталага гарадзенца”, якая будзе даваць зніжкі на атрыманне тавараў і паслуг, і стварэнне ў Гродне інфармацыйна-рэсурснага цэнтра для сталых людзей, і правядзенне кірмашоў і фестываляў сталых людзей.

Горад, прыязны да сталых людзей from Third Sector

Сваімі ідэямі наконт магчымага зместу кампаніі падзяліліся і ўдзельнікі Круглага стала.

Круглы стол Горад, прыязны да сталых людзей

У прыватнасці, прагучалі прапановы арганізацыі рэгулярных заняткаў з удзелам сталых людзей фізкультурай на базе школьных стадыёнаў, іншых пляцовак у розных раёнах горада, стварэння інтэрактыўнай мапы, на якой будуць пазначаныя месцы знаходжання арганізацый, якія працуюць у інтарэсах сталых людзей, арганізацыя працы са сталымі людзьмі ў сельскай мясцовасці і г.д.

Круглы стол Горад, прыязны да сталых людзей

Усе гэтыя прапановы будуць апрацаваныя і дасланыя гарадзенскім уладам з прапановай стварыць гарадскую праграму “Гродна, прыязны да сталых людзей” на 2016-2018 гг.

Круглы стол Горад, прыязны да сталых людзей

Фота Рона Сольфа

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • У Гродне знялі кліп для феміністычнага рэп-праекта «Бомба»: там ёсць тверк, фрыкі і барацьба са стэрэатыпамі
    Відэа выйдзе ў пачатку снежня і стане флагманам для міні-альбома рэп-праекта “Бомба”. Рэжысёрам стаў гродзенскі блогер, а імя вакалісткі трымаецца ў сакрэце. Паводле сюжэту прадстаўнікі розных субкультур адпачываюць і весяляцца разам, нягледзячы на ​​адрозненні. У кліпе прасочваюцца ідэі талерантнасці да ЛГБТК+ супольнасці, бодзіпазітывізму і барацьбы са стэрэатыпамі. Прадзюсер праекта “Бомба”, саліст рок-групы “Бредятина дятела” Максім […]
  • Гродзенская абласная бібліятэка пачала вялікі пераезд
    Гродзенская абласная навуковая бібліятэка імя Я.Ф.Карскага ў пачатку 2020 года адсвяткуе ўваходзіны пасля вялікага пераезду. Штодня ў перавозцы тысяч кніг, перыёдыкі, каталогаў і мэблі бібліятэкарам дапамагаюць неабыякавыя жыхары Гродна, перадае карэспандэнт БЕЛТА. Абласная бібліятэка, якая з 1991 года займала частку Новага замка ў Гродне, пасля навагодніх святаў прыме наведвальнікаў па іншым адрасе. У аператыўнае кіраванне […]
  • У Гродне ў апячатаным пакоі раптам перагарнуўся дзяржаўны сцяг
    Цікавую рэч заўважылі на выбарчым участку №11 51-й акругі. Палотнішча, якое вісела дагары нагамі ў апячатаным памяшканні, раптам перакулілася ў правільным кірунку, паведамляе nn.by са спасылкай на тэлеграм-канал «Выбары. Беларусь». Гэта было заўважана 12 і 13 лістапада. І гэта пры тым, што назіральнікі ад «Права выбару» і «Вясны» прысутнічалі як пры вячэрнім апячатванні памяшкання вечарам […]
  • Гродзенка з’ехала ў Польшчу вучыцца і стала там вядомай мастачкай
    Нарадзілася ў Гродне, вывучылася ў Польшчы, а зараз з’яўляецца адной з самых вядомых сучасных мастачак суседняй краіны. Спрабуе палепшыць становішча мігрантаў, удзельнічае ў конкурсах прыгажосці з не самай трывіяльнай мэтай і крытыкуе Ай Вэйвэя – сучаснага кітайскага мастака-дысыдэнта, які правёў каля чатырох гадоў пад хатнім арыштам за сваю дзейнасць. Хто такая Яна Шостак, пра якую […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY