У Львове скончыўся першы этап Школы медыяменеджмента. Працяг у Гродне

Змяніць памер шрыфта Болей Меней Скінуць
У Львове скончыўся першы этап Школы медыяменеджмента. Працяг у Гродне

Шаснадцаць менеджэраў беларускіх медыя з розных рэгіёнаў краіны распачалі навучанне ў другім наборы Школы медыяменеджмента, адным з арганізатараў якой з’яўляецца грамадскае аб’яднанне “Цэнтр “Трэці сектар”.

Мэтай гэтай амбітнай праграмы з’яўляецца паляпшэнне эфектыўнасці працы беларускіх медыяў (найперш рэгіянальных) праз павышэнне кваліфікацыі заснавальнікаў, галоўных рэдактароў, намеснікаў рэдактароў і іншых менеджэраў гэтых выданняў у галіне стратэгічнага кіравання, кіравання кантэнтам, манетызацыі і працы з камандай.

Удзельнікі, трэнеры і арганізатары другога набору Школы медыяменеджмента

Праграма Школы складаецца з чатырох трэнінгаў і дыстанцыйнай працы паміж імі. У якасці трэнераў у Школе выкладаюць дасведчаныя эксперты-практыкі з Беларусі, Украіны і Славакіі.

Галоўная трэнерка Школы Таццяна Рэпкава (Славакія)

Першы трэнінг, прысвечаны стратэгічным аспектам развіцця медыяў, адбыўся на базе Магістарскай праграмы па медыякамунікацыях, якая дзейнічае пры Украінскім Каталіцкім Універсітэце (УКУ) у Львове.

Разам з Таццянай Рэпкавай трэнінг у Львове праводзіў намеснік дырэктара інфармацыйнага агенцтва БЕЛАПАН Андрэй Аляксандраў

Удзельнікі трэнінга пазнаёміліся з рознымі бізнес-мадэлямі развіцця медыяў, папрактыкаваліся ў фармуляванні місій і задач медыяпраектаў, аналізе моцных і слабых бакоў, магчымасцяў і пагрозаў для сваіх праектаў, вызначэнні паказчыкаў эфектыўнасці іх працы.

Удзельнікі Школы аб’яднаныя ў чатыры праектныя каманды, кожная з якіх да сканчэння Школы распрацуе канцэпцыю ўласнага медыяпрадукта

Разынкай першага трэнінга сталі вечаровыя сустрэчы з вядомымі ўкраінскімі медыяэкспертамі Раманам Зайцам і Яраславам Ведмедзем, якія распавялі пра сітуацыі на ўкраінскім медыярынку, а таксама пра тэндэнцыі развіцця новых медыяў.

Наступны трэнінг Школы распачнецца ў сярэдзіне кастрычніка ў Гродне і будзе прысвечаны кіраванню кантэнтам.

Да канца года ў Гродне адбудуцца яшчэ два трэнінгі Школы.

Праца другога набора скончыцца выпускной сустрэчай, запланаванай на сярэдзіну студзеня наступнага года.

Выпускнікамі першага набору ў чэрвені бягучага году Школы сталі 14 рэдактароў і намеснікаў рэдактароў медыярэсурсаў з розных рэгіёнаў краіны.

У арганізацыі працы Школы медыяменеджмента ў Беларусі бяруць таксама ўдзел прыватная ўстанова “Цэнтр дадатковай адукацыі дарослых “Студыя карысных кампетэнцый” і Школа журналістыкі Мінскага міжнароднага адукацыйнага цэнтру імя Ёханэса Рау.

У матэрыяле выкарыстаныя фота Валерыя Юдзіна і Варвары Злобінай

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Зоська Верас: жанчына, якая стварала беларускае Гродна
    Зоську Верас сёння ў Гродне мала хто памятае. Нават невялічкай вулкі, названай у яе гонар, няма. А між тым гэтая шляхцянка з каранямі з пад польскай цяпер Саколкі заслугоўвае ў нашым горадзе цэлага праспекту. Бо менавіта з яе ды яе паплечнікаў больш за сто гадоў таму пачыналася менавіта беларускае Гродна. Прыязджала да дзядоў, плавала на лодцы […]
  • Колькі зарабляюць гродзенцы паводле статыстыкі ўладаў
    Улады палічылі размеркаванне заробкаў не толькі ў сярэднім па краіне, але і па асобных рэгіёнах. Ацаніце, у якую зарплатную групу трапляеце вы, прапануюць banki24.by. Як збіраюць статыстыку Статорганы збіраюць звесткі аб размеркаванні заробкаў работнікаў двойчы ў год – па выніках мая і лістапада. У выбарку ўваходзяць занятыя на буйных і сярэдніх прадпрыемствах. У лістападзе 2019 […]
  • Амерыканец-мастак Ількер Каджахан адкрыў выставу ў Гродне
    Амерыканскі архітэктар на пенсіі Ількер Каджахан, які пераехаў у Гродна, адкрыў персанальную выставу ў культурным цэнтры «Фестывальны», паведамляе rgazeta.by. Гэтым разам Ількер прадставіў каля ста работ: эскізы інтэр’ераў і экстэр’ер будынкаў, выкананыя для заказчыкаў ў Нью-Ёрку, карціны пейзажаў, створаных падчас падарожжа, і партрэты сваякоў і сяброў, напісаныя акварэллю. – Гэтыя працы не прадаюцца. Проста хацеў […]
  • «Спяць у куртках, ежы мала». Дзяцей, якіх бацька не пускаў у школу, збіраюцца забраць у прытулак
    Пра шматдзетную сям’ю Бабакулыевых з Вялікай Слабады Карэліцкага раёна TUT.BY пісаў у кастрычніку мінулага года. Тады трое дзяцей паўтара месяца не хадзілі ў школу. Бацька тлумачыў, што грошай у сям’і няма, каб нармальна апрануць школьнікаў. Сам ён страціў працу і лічыў, што яго незаконна звольнілі. У сітуацыю ўмяшалася Нацкамісія па правах дзіцяці. Дзецям купілі вопратку […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY