Удала пафестывалілі!

Змяніць памер шрыфта Болей Меней Скінуць
Удала пафестывалілі!

Галоўныя ўзнагароды ў намінацыях “Лепшы сайт/блог у сферы нефармальнай адукацыі ” і “Лепшы стэнд”, дыпломы за прызавыя месцы ў конкурсах відэафільмаў і публікацый – з такімі здабыткамі вярнуліся з IV Фестывалю нефармальнай адукацыі сябры ГА “Цэнтр “Трэці сектар”.

Прафесійнае журы конкурса сайтаў і блогаў аддало два першыя месцы адпаведна блогу нашага “Універсітэту Залатога Веку” і “Постаці”.

На высокіх пазіцыях як па ацэнках прафесійнага журы, так і па выніках “народнага галасавання” апынуўся таксама сайт нашай арганізацыі.

У конкурсе відэафільмаў другое месца атрымаў наш фільм, створаны ў межах праекта “Постаці”. Спецдыплом у гэтай жа намінацыі атрымаў цыкл відэаролікаў, прысвечаных “Універсітэту Залатога Веку”.

Як і на двух папярэдніх Фестывалях ( у 2008 і 2010 гг.) удзельнікі Фестывалю не пакінулі без увагі прэзентацыйны стэнд арганізацыі, які атрымаў першае месца ў конкурсе стэндаў.

Яшчэ два дыпломы дасталіся сябрам арганізацыі ў конкурсе лепшых публікацый. Журы конкурса адзначыла галоўнымі прызамі дапаможнік “Адстойванне і прасоўванне правоў чалавека праз грамадскі ўдзел” (аўтары Вітаўт Руднік і Ігар Кузьмініч), а таксама дапаможнік “Урокі журналісцкага майстэрства”, над якім працаваў аўтарскі калектыў у складзе вядомых беларускіх журналістаў (рэдактар – Вітаўт Руднік).

IV Фестываль нефармальнай адукацыі праходзіў 7-9 снежня ў Мінску. Яго тэмай была нефармальная адукацыя для ўсіх пакаленняў. Такога кшталту Фестывалі ладзяцца ў Беларусі кожныя два гады. Іх асноўнымі арганізатарамі з’яўляюцца арганізацыі, аб’яднаныя ў Асацыяцыі дадатковай адукацыі і асветы. У склад Асацыяцыі ўваходзіць і ГА “Цэнтр “Трэці сектар”.

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

    Кроніка

    Кроніка грамадзкага жыцця

    Падпішыцеся на рассылку Кронікі грамадзкага жыцця Гарадзеншчыны.

Чытай

Чытаць навiны на www.t-styl.info
RSS Навіны
  • Як Аўгустоўскі канал рыхтуецца да бязвізавага рэжыму
    Указ №318, паводле якога замежныя грамадзяне змогуць знаходзіцца без візаў на тэрыторыі Аўгустоўскага канала і прылеглых тэрыторыях на працягу пяці дзён, зацікавіў турыстаў, чыноўнікаў, тураператараў, уладальнікаў аграсядзібаў і патэнцыйных інвестараў, піша svaboda.org. […]
  • У цэнтры Гродна вялікія тараканы тэрарызуюць мясцовых жыхароў
    Незвычайныя тарканы турбуюць жыхароў дома па вуліцы Карла Маркса ўжо восем гадоў. Вялікія насякомыя выпаўзаюць ноччу з-пад падлогі і розных шчылін. Мясцовыя кажуць, што праблема пачалася пасля таго, як у іх стогадовым жыллі сталі рамантаваць дах. […]
  • Гарадзенскія канцэрты на балконах хоча аднавіць “Гроднааблсаюздрук”
    Пра адметнасці новай крамы “Багач” і планы на будучыню расказаў газеце “Перспектыва” дырэктар “Гроднааблсаюздрука” Павел Скрабко. […]
  • У Гродне вызначылі пераможцу пятага этапа “Хобі-карт 2016”
    Каля 20 картынгістаў удзельнічалі ў спаборніцтвах чарговага этапа гарадскога турніра Хобі-карт-2016, што прашлі ў Гродне 27 жніўня. Спаборніцтвы сярод аматараў картаў, старэйшых за 16 гадоў, арганізаваў клуб “Віраж”. Судзілі гонку вядомы гарадзенскі картынгіст Уладзіслаў Міргародскі і ўладальнік карт-клуба Яўген Ганісеўскі. Пераможцам стаў 31-гадовы Андрэй А […]
  • На будаўніцтве БелАЭС загінуў чалавек
    Будаўнік загінуў на пляцоўцы будаўніцтва АЭС у пятніцу, 26 жніўня. Здарэнне адбылося ў расійскай субпадраднай арганізацыі, паведамілі ў аддзеле інфармацыі і грамадскіх сувязей БелАЭС. […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY DATE.BY | поиск, новости, работа, погода, фото | Беларусь, Минск Rating All.BY