“Універсітэт Залатога Веку” запрашае стажораў у Гродна

Змяніць памер шрыфта Болей Меней Скінуць
“Універсітэт Залатога Веку” запрашае стажораў у Гродна

Калі вы плануеце стварыць у сваім горадзе адукацыйныя праграмы для сталых людзей альбо ўжо займаецеся такой працай – запрашаем на стажыроўку ва “Універсітэт Залатога Веку” (УЗВ).

“Універсітэт Залатога Веку” – праграма, якая распачала сваю працу ў красавіку 2010 г. па ініцыятыве сябраў грамадскага аб’яднання “Цэнтр “Трэці сектар” і накіравана на  павышэнне якасці сталых жыхароў г. Гродна праз іх інтэлектуальную, фізічную і сацыяльную актывізацыю.

Праграма стажыровак УЗВ  была заснаваная ў 2012 г. Яе мэтай з’яўляецца распаўсюджванне назапашанага ў межах праграмы досведу, развіццё і ўмацаванне супрацоўніцтва паміж беларускімі арганізацыямі, якія займаюцца павышэннем якасці жыцця сталых людзей. За тры гады яе ўдзельнікамі сталі стажоры з Мінска, Брэста,  Смаргоні і Маларыты.

У час стажыроўкі Вы пазнаёміцеся са слухачамі, выкладчыкамі, сябрамі самакіравання УЗВ наведаеце заняткі секцый і агульную лекцыю, даведаецеся пра тое, як працуюць нашыя “Школа добрых справаў”, валанцёрская праграма “Малодшы брат, малодшая сястра”, рэдакцыя сайта УЗВ.

Стажыроўка плануецца ў перыяд з 22 па 27 сакавіка.

Да ўдзелу ў стажыроўцы будуць адабраныя 3 чалавекі, якія найбольш поўна акрэсляць сваю матывацыю, будуць гатовыя самастойна кампенсаваць праезд. Выдаткі на харчаванне і пражыванне кампенсуюць арганізатары.

Перавагу ў час адбору будуць мець прадстаўнікі грамадскіх і дзяржаўных арганізацый з гарадоў, дзе ўніверсітэты трэцяга ўзросту працуюць менш за год альбо дзе толькі плануецца стварэнне такіх універсітэтаў.

Праграма стажыроўкі будзе складзеная з улікам пажаданняў стажораў.

Калі вам цікава прыехаць ва УЗВ, запоўніце, калі ласка, электронную анкету  да 9 сакавіка.

Задаць дадатковыя пытанні можна па электроннай пошце uzv.hrodna@gmail.com альбо па тэлефоне +375 29 262 24 52 (Варвара Злобіна, куратарка стажыроўкі)

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Кітай уводзіць смяротнае пакаранне за ўтойванне сімптомаў каронавіруса
    Кітайскія ўлады забаранілі хворым з тэмпературай або кашлем падарожнічаць па краіне на аўтобусах, цягніках і самалётах. Яны абвясцілі, што ўводзіцца крымінальны пераслед за распаўсюджванне захворвання, піша DW. У Кітаі могуць пакараць смерцю за наўмыснае ўтойванне сімптомаў новага каранавіруса COVID-19 або скажэнне інфармацыі аб стане хворага, гаворыцца ў апублікаванай у суботу, 15 лютага, заяве кітайскага суда. Утойванне […]
  • Беларускі адказ AliExpress: Onliner запусціў новую сістэму аплаты Onliner Pay
    13 лютага, напярэдадні святкавання 19-годдзя, Каталог Onliner сумесна з МТБанкам прэзентавалі новую сістэму online-плацяжоў – Onliner Pay. З запускам сістэмы Onliner пераўтварыўся ў паўнавартасны маркетплэйс, які працуе па мадэлі AliExpress. Onliner Pay стварае камфортныя ўмовы для пакупнікоў і прадаўцоў: першыя могуць быць упэўненыя ў хуткім і беспраблемным вяртанні грошай без лішняй бюракратыі, другія – у […]
  • Ад пост-панка да нойза: музыка з Гродна, за якой варта сачыць
    Гродзенскую музыку 90-х прынята хваліць і ўспамінаць пра яе з настальгіяй. Кажуць, Гродна тады быў сталіцай панка і метала, а ў горадзе праводзілася шмат канцэртаў, у тым ліку прыезджых груп. Зараз пра многія гродзенскія групы ведаюць хіба што людзі “ў тэме”. Не будзем разбіраць прычын, чаму так адбываецца. Мы проста сабралі ў адным месцы групы […]
  • Палякі абурыліся аднаўленьнем касьцёла ў Беларусі, дзе быў пахаваны кароль Станіслаў Панятоўскі. Што ня так?
    Польскія навукоўцы засталіся незадаволеныя рэканструкцыяй старадаўняга касьцёла ў мястэчку Воўчын на Берасьцейшчыне, дзе спачывалі парэшткі апошняга караля Рэчы Паспалітай і які спачатку аднаўляў польскі бок. Пробашч парафіі патлумачыў, чаму гісторыка-культурная каштоўнасьць у такім стане. Піша “Радыё Свабода”. Чаму мы пра гэта пішам? Нядаўна ў сеціве зьявіліся фатаздымкі касьцёла, якія зрабілі польскія навукоўцы ўвосень 2019 году. Яны засталіся […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY