Валанцёрка распавядае аб сваім ЕВС-праекце на тэлебачанні ў Германіі

Змяніць памер шрыфта Болей Меней Скінуць
Валанцёрка распавядае аб сваім ЕВС-праекце на тэлебачанні ў Германіі

На працягу года Наста Дзямідок будзе дапамагаць рабіць дакументальныя фільмы і відэа-ролікі для навінаў на мясцовым тэлебачанні ў маленькім гарадку Веццін, што ў Нямеччыне.

Праект ладзіцца ГА “Цэнтр “Трэці сектар” разам з  WTV – Der Offene Kanal aus Wettin e.V. у межах адной з акцый праграмы Еўразвяза “Эразмус плюс” – Еўрапейская валанцёрская служба (EVS).

Наста:

«Мяне клічуць Наста Дзямідок, я з Беларусі і ўжо месяц валанцёру на мясцовым тэлебачанні горада Веццін у Германіі.

evs_dzemidok

Да гэтага моманту я працавала настаўнікам англійскай мовы ў школе, але мне хацелася чагосьці новага. Калі шчыра, то заўсёды кідаюся ў вір з галавой, і вось я вырашыла паспрабаваць сябе ў незнаёмай для мяне вобласці – медыясферы.

Чаму ЕВС? Таму што гэта неверагодная магчымасць навучыцца цалкам новаму рамяству, а яшчэ і атрымаць досвед міжкультурных зносін. А веды, атрыманыя ў медыясферы, спатрэбяцца ў любой дзейнасці, таксама і ў школе, бо тэхналогіі не стаяць на месцы.

Першы тыдзень на праекце быў як у казцы: прыгожая прырода, смачная ежа, праца з дзеткамі. За мной замацавалі ментара – чалавека, які знаёміць з горадам і новым асяроддзем, ды і да якога проста можна звярнуцца за любой дапамогай.

evs_dzemidok

Праект “Refugees c / o Sachsen-Anhalt”, у якім я ўдзельнічаю, уключае ў сябе самыя розныя аспекты, звязаныя з працай з бежанцамі ў горадзе. Мы робім відэаролікі пра іх жыццё, адаптацыю, баўленне часу, узлёты і падзенні. Працы шмат, і яна патрабуе шмат намаганняў, але гэта таго варта.

Зараз я вучуся апрацоўваць відэа і ствараць фільмы, праводзіць інтэрв’ю, здымаць (але пакуль яшчэ баюся, вельмі шмат кнопачак у прафесійнай камеры). Новай інфармацыі вельмі шмат, і адразу ўлавіць складана (я ўжо ўсіх замучыла пытаннямі), але Рым не адразу будаваўся.

У мяне вельмі прафесійны каардынатар, які ўсё тлумачыць і вучыць мяне працы ў новай сферы. Заўсёды на дапамогу гатовы прыйсці кожны з калегаў (а іх ў мяне шмат). Што мне асабліва падабаецца: здымкі могуць праходзіць у розных гарадах, нават краінах, і з людзьмі розных нацыянальнасцяў.

evs_dzemidok

А ў маёй капілачцы ўжо  ёсць два інтэрв’ю. Адно з іх з прадстаўніком індыйскай грамадскай арганізацыі SAC-CCC , прафесарам Самюэлем Ізмерам. Ён распавёў аб дабрачынных і асветніцкіх праектах сваёй арганізацыі. Я была ў захапленні ад таго, якую велізарную працу выконвае гэта арганізацыя! І, дарэчы, яны заўсёды радыя валанцёрам на праектах у Індыі, заяўку на ўдзел можна знайсці на іх сайце.

Акрамя праекта па працы з бежанцамі ў тэлеканала ёсць і іншыя. Напрыклад, арганізоўваўся праект па знаёмстве дзетак 5-6 гадоў са сферай медыя. Усё праводзілася ў гульнявой інтэрактыўнай форме, з нашай дапамогай дзеткі нават самі бралі інтэрв’ю і рабілі фота! Мяне вельмі здзівіла, што ўжо з такога ўзросту дзетак уключаюць у сферу медыя.

evs_dzemidok
Што тычыцца цяжкасцяў, то без іх нікуды. Адразу сутыкнулася з цяжкасцямі ў размоўнай мове, хоць і вывучала нямецкую ва ўніверсітэце. З пісьмовай мовай прасцей, а вось хуткасць гутарковай мовы даецца з цяжкасцю. З-за гэтага часам адчуваеш сябе “выключанай” з жыцця. Хочацца ўсё кінуць і ўцячы дадому. Але збегчы ад складанасцяў – самы лёгкі спосаб. Значна складаней кінуць ім выклік! Прагнаць усе свае страхі і атрымліваць асалоду ад займальных момантаў.

Тугі па роднаму краю пакуль не адчула, хоць ужо цэлы месяц на праекце.

На гэтым мой аповяд не сканчаецца. З радасцю буду дзяліцца сваімі ўражаннямі ў далейшым.»

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • В пристройке лютеранской кирхи во время ремонта нашли старинные газеты
    9 июля в доме возле Лютеранской кирхи во время демонтажа старой лестницы рабочие обнаружили доски, обернутые в газеты столетней давности. Пастор лютераской кирхи Владимир Татарников предполагает, что газету использовали в качестве вспомогательного материала или как утеплитель.«На втором этаже дома общины мы сейчас делаем паломнический центр, – рассказал Hrodna.life Владимир Татарников. – Находки отражают две эпохи из […]
  • Гродзенец трапіў на самаізаляцыю, але бальнічны далі не адразу. Цяпер яго звольнілі за прагулы
    58-гадовы гродзенец Раман трапіў у няпростую сітуацыю: мужчыну звольнілі па артыкуле за прагулы. Аднак ён кажа, што знаходзіўся на самаізаляцыі як кантакт першага ўзроўню, але бальнічны яму адкрылі пазней, чым ён пайшоў на каранцін. «Згубленымі» сталіся тры дні. І быццам бы ўсюды ўсё зрабілі паводле закона, але ў выніку мужчына застаўся без працы, піша TUT.BY. […]
  • У гульца гродзенскага “Нёмана” – двухбаковая пнеўманія. Каранавірус прыйшоў у беларускі футбол
    У форварда гродзенскага “Нёмана” Глеба Рассадкіна дыягнаставалі двухбаковую пнеўманія. Футбаліст знаходзіцца ў гродзенскай бальніцы, піша “Прессбол”. -У Рассадкіна двухбаковая пнеўманія, з якой Глеб ляжыць у гродзенскай бальніцы. Ён ідзе на папраўку і на наступным тыдні, калі нічога не зменіцца, яго абяцаюць выпісаць. Больш дадаць пакуль няма чаго, – сказаў галоўны трэнер каманды Ігар Кавалевіч у […]
  • Падарожжа Грэя: як сабака выпала з акна ў Гродна і рыхтуецца пераехаць у ЗША
    9 ліпеня 2020 года ў Гродне меркавана з акна выкінулі сабаку. У горадзе такое ўжо здаралася: у 2018 годзе гаспадар зааабаронцы падабралі ў завулку Даватара параненага сабаку. Гродзенцы скінуліся на лячэнне і прэпараты для яго, назвалі Грэем. Пазней сабаку павезлі ў рэабілітацыйны цэнтр у Маскву. Адтуль ён рыхтуецца адправіцца ў ЗША ці Еўропу. Рэдакцыя Hrodna.Life […]
© 2012-2016 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"