Валанцёрскія вакансіі на Балтыйскім узбярэжжы

Змяніць памер шрыфта Болей Меней Скінуць
Валанцёрскія вакансіі на Балтыйскім узбярэжжы

Гродзенскае ГА “Цэнтр “Трэці сектар” разам з польскім “Цэнтрам супрацы моладзі” шукаюць валанцёраў у сацыяльныя праекты ў Гдыні, Польшча.

Арганізацыі запрашаюць да ўдзелу ў двух ЕВС-праектах з верасня 2016 тэрмінам на 1 год.

Фундацыя “Адапа”

Дэдлайн для заявак 1 студзеня 2016, адбор да 10 студзеня.

Фундацыя працуе з дарослымі з аўтызмам ды іншымі псіханеўралагічнымі асаблівасцямі. Асноўныя накірункі працы – рэабілітацыя, сацыяльная дапамога і тэрапія. Таксама актывісты фундацыі пашыраюць веды пра аўтызм і іншыя асаблівасці. На базе арганізацыі працуе Occupational Therapy Workshops (OTW), які рэалізуецца ў выглядзе разнасатайных майстар-класаў: мастацтва, штодзённыя навыкі, інфарматыка, друк і графіка, сацыяльныя камунікацыі, сацыяльная самастойнасць.

Задачы для валанцёра

Валанцёры будуць удзельнічаць і дапамагаць арганізоўваць вышэйпералічаныя майстар-класы. Кожны валанцёр зможа працаваць з тэрапеўтамі кожнага з майстар-класаў, навучыцца ў іх асаблівасцям працы і даведацца больш пра людзей з аўтызмам і іншымі псіханеўралагічнымі асаблівасцямі.

Таксама валанцёры будуць мець магчымасць навучыцца разнастайным творчым справам, развіць дызайнерскія навыкі, дапамагаючы фундацыі ствараць буклеты, брашуры ды ўлёткі.

Выступ тэатральнай групы фундацыі

Крытэры адбору

Беларуская моладзь ва ўзросце ад 18 да 30 год, моладзі з Гарадзенскай вобласці будзе надавацца перавага.

Каманда фундацыі будзе рада ўсім, хто жадае дапамагаць і развівацца. Чакаецца, што валанцёры будуць адкрытымі і талерантнымі да тых, хто адрозніваецца ад большасці. Важна быць гнуткімі і разумець іншых, мець развітое пачуццё эмпатыі.

Фінансавыя ўмовы

Усе выдаткі на праект, улічваючы транспарт, візавую падтрымку, пражыванне і харчаванне, аплочваюцца арганізатарамі.

Заяўка

Каб паўдзельнічаць у адборы, неабходна запоўніць і адаслаць заяўку да 1 студзеня 2016 на электронную пошту 3sektaryia@gmail.com з паметкай “EVS in ADAPA”.

Асацыяцыя для дзяцей і моладзі “Вітава”

Дэдлайн для заявак 1 траўня 2016, адбор да 1 чэрвеня.

Цэнтр працуе з дзецьмі з праблемных сем’яў (выхоўваюцца адным з бацькоў, праблемы з алкаголем, залежнасцямі, беспрацоўныя, малазабяспечаныя, псіхічны і фізічны гвалт у сям’і). Дзецям найперш патрэбная дапамога з вучобай і эмацыйная падтрымка. Галоўная мэта праграмы – стварыць умовы для рэгулярнага развіцця дзяцей у атмасферы бяспекі і прыняцця і дапамагчы ім адолець псіхалагічныя траўмы.

Задачы

Валанцёры будуць мець магчымасць развіваць свае захапленні і працаваць над імі разам з дзецьмі і моладдзю з Цэнтра. Яны атрымаюць досвед выкладання, дапамагаючы дзеткам з хатнімі заданнямі (напрыклад, з ангельскай мовай ці іншымі прадметамі) або ладзячы тэматычныя майстар-класы. Акрамя таго, дзякуючы штодзённай супрацы з прафесійнымі псіхолагамі і педагогамі, у валанцёраў будзе мажлівасць вучыцца ў іх і атрымліваць досвед. Яны атрымаюць досвед арганізацыі майстар-класаў і падзей для дзяцей і моладзі. Галоўнай задачай валанцёраў будзе дапамога ў працы персанала і падтрымка дзяцей у штодзённых занятках Асацыяцыі.

Крытэры адбору

Беларуская моладзь ва ўзросце ад 18 да 30 год, моладзі з Гарадзенскай вобласці будзе надавацца перавага.

Валанцёр мусіць цікавіцца працай з дзецьмі і моладдзю. Шукаем адкрытых асобаў, ахвотных дзяліцца сваёй культурай. Крэатыўнасць, цікавыя хобі, базавыя веды ангельскай і рускай мовы і жаданне вучыць польскую вітаюцца.

Заяўка

Каб паўдзельнічаць у адборы, неабходна запоўніць і адаслаць заяўку да 1 траўня на электронную пошту 3sektaryia@gmail.com з паметкай “EVS in Vitava”.

Калі

Абодва праекты пачнуцца ў верасні 2016 года і скончацца праз год у жніўні 2017.

Фінансавыя ўмовы

Усе выдаткі на праект, улічваючы транспарт, візавую падтрымку, пражыванне і харчаванне, аплочваюцца арганізатарамі.

Праекты рэалізуюцца ў межах адной з акцый праграмы Еўразвяза “Эразмус плюс” – Еўрапейская валанцёрская служба (EVS).

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Трэніроўкі на вуліцы ў Гродне: дзе можна займацца спортам з крутымі хлопцамі
    У Гродне набіраюць папулярнасць арганізаваныя сілавыя трэніроўкі на вуліцы. Hrodna.life падрыхтаваў падборку вулічных месцаў, дзе бясплатна можна пазаймацца спортам з крутымі моцнымі хлопцамі. Трэніроўкі на свежым паветры ідэальныя для падтрымання сябе ў добрай форме, а таксама каб зняць напружанне і развеяць назапашаную стомленасць. Яны добрыя для тых, хто не заўсёды можа наведваць фітнес-цэнтры. “Druid crew” […]
  • «Удзень спалі, ноччу гулялі» — што вядома пра новы пабег закаханай пары гродзенскіх падлеткаў
    17-гадовы Жэня Рукша і 15-гадовая Дзіна Кавалёва з Гродна зноў зніклі на тыдзень — і зноў знайшліся. Гэта ўжо другое знікненне падлеткаў за непрацяглы адрэзак часу. У канцы жніўня Дыяна і Яўген уцяклі з Гродна і былі знойдзеныя ў лясным масіве паблізу вёскі Магіляны Бераставіцкага раёна, піша nn.by. Тады яны самі вярнуліся. Але праз некалькі […]
  • СК распавёў падрабязнасці траўмавання гродзенца, якога нібыта збіў АМАП і якому ампутавалі частку ягадзіцы
    Адна з рэзанансных гісторый жніўня — абвінавачванні на адрас міліцыі ў збіцці 36-гадовага гарадзенца Дзяніса Лук’янава. Яго затрымалі на аўтамабільным фестывалі 20 ліпеня ў стане моцнага алкагольнага ап’янення. Праз два тыдні ён быў шпіталізаваны, а стрыечная сястра сцвярджала, што брата збілі амапаўцы, у выніку чаго ён трапіў у рэанімацыю, дзе яму ампутавалі частку ягадзіцы. Як паведаміла […]
  • Інтэграцыя: праграму не апублікуюць, а працу над адзіным Падатковым кодэксам ужо пачалі
    Дэпутатка Палаты прадстаўнікоў Алена Анісім апублікавала адказ міністра эканомікі Беларусі Дзмітрыя Крутога наконт праграмы інтэграцыі, узгодненай прэм’ерамі Расіі і Беларусі. Ён патлумачыў, чаму дакумент не можа быць апублікаваны. Тым часам Мінфін ужо пачаў працу над адзіным з Расіяй Падатковым кодэксам, а ў сеціве стварылі грамадскую кампанію супраць паглыблення інтэграцыі. Алена Анісім пісала прэм’ер-міністру Беларусі Сяргею Румасу, што […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY