“Вяртанне да прыроды”: абмен у Германіі

Змяніць памер шрыфта Болей Меней Скінуць
“Вяртанне да прыроды”: абмен у Германіі

Васьмёра маладзёнаў прадставілі Беларусь і ГА “Цэнтр “Трэці сектар” на экалагічна-спартовым абмене ў Германіі. Кірыл Дашук дзеліцца сваімі ўражаннямі.

У любога чалавека ёсць свае інтарэсы: хтосьці любіць чытаць, нехта не ўяўляе свайго жыцця без спорту, і гэты шэраг можна працягваць да бясконцасці. Я не з’яўляюся выключэннем ,і маё захапленне – атрымліваць асалоду ад цудоўных краявідаў ды клапаціцца пра прыроду.

Праект выдатна мне пасаваў, і я адразу адчуў, што не прыняць удзел у ім было б вялікай памылкай, бо такая магчымасць даецца далёка не кожнаму. Менавіта таму я прыклаў максімум намаганняў для таго, каб мяне адабралі, і паверце мне, гэты час быў чароўным.

Дарога да першага кемпінга заняла суткі, але ўсім гэта было толькі ў радасць, бо ў нас была выдатная магчымасць пазнаць адно аднаго лепей! І нават залевы, якімі нас сустрэла Германія, не маглі азмрочыць нашага настрою. І вось мы ўжо на месцы. На беразе маленькага выдатнага возера. Мы бачым людзей, якія нам машуць і чуем два запаветныя словы: “Сардэчна запрашаем!”.

2

Першыя дні надвор’е паказвала нам зубы: дождж, золь, вецер, халадэча. Але менавіта дзякуючы такому пачатку нам удалося ўсталяваць выдатныя адносіны паміж усімі ўдзельнікамі, бо нішто так не збліжае як праца над адной агульнай справай. А справаў было нямала. Агульнымі намаганнямі мы стварылі камфортныя для ўсіх ўмовы ўжо ў першы дзень. Пабачыўшы гэта, надвор’е вырашыла змяніць свой суровы нораў на сонечныя і цёплыя дзянькі. Такое надвор’е адлюстроўвае атмасферу, якая лунала на працягу ўсяго часу: цёплую, гасцінную, сяброўскую.

Больш за ўсё мяне ўразіла праца арганізатараў. Любое пытанне вырашалася ў самыя кароткія тэрміны, што не магло не радаваць. Агмень, які гарэў у іх у вачах, не мог не падахвочваць нас выкладвацца напоўніцу. Бо тут было ўсё: цікавыя і актуальныя для чалавецтва пытанні па ахове навакольнага асяроддзя, розныя спартыўна-пазнавальныя мерапрыемствы, якія дазваляюць авалодаць новымі навыкамі, культурна-нацыянальныя вечарыны, якія распавядалі нам пра гісторыю, норавы ды традыцыі краін-удзельніц (Беларусь, Германія, Нарвегія, Люксембург, Македонія, Грузія, Эстонія).

Кожны дзень мы абмяркоўвалі найбольш вострыя пытанні, з якімі людзі сутыкаюцца ў паўсядзённым жыцці: генна-мадыфікаваныя прадукты, забруджванне навакольнага асяроддзя, сартаванне смецця, глабальнае пацяпленне. Мы разбіваліся на транснацыянальныя групы, абмяркоўвалі разам пытанні, дзяліліся сваім жыццёвым досведам, распавядалі пра стаўленне нашых краін да гэтага пытання. Далей пытанне выносілася на міжгрупавую дыскусію. І самае галоўнае, арганізатары не былі паасобку, яны распавядалі нам тое, чаго мы не ведалі, тое, пра што забылі ўзгадаць. Усё праходзіла ў нефармальнай абстаноўцы і на свежым паветры. Незабыўна!

А ці варта згадваць, што абмеркаванні былі разбаўленыя рознымі спартовмі падзеямі? Я на 100% упэўнены, што ні адзін удзельнік праекта, адкуль бы ён ні быў, ніколі не забудзе ашаламляльнага джунглі-парку. Тры гадзіны, праведзеныя ў спецыяльнай амуніцыі на вышыні ад 6 метраў спадабаліся нават тым, хто не выяўляў моцнага жадання наведаць гэта месца. А выдатная паездка на ровары 45 км па маляўнічых краявідах не толькі нікога не стаміла, а наадварот, падштурхнула многіх перасесці на ровар у сваіх родных гарадах (і я не выключэнне). Не магу не згадаць навыкі арыентацыі на мясцовасці і чытання карты, якім нас навучылі шляхам захапляльнай гульні.

1

Кожны дзень абмена быў напоўнены сваімі фарбамі і па-свойму незабыўным. Кожны ўдзельнік знайшоў нешта сваё, кожны меў магчымасць навучыцца таму, што было для яго цікава і незнаёма. Мы завялі мноства сяброў, і повязі гэтага сяброўства будуць моцныя, ужо паверце мне. Нягледзячы на ​​тое, што мы ўжо вярнуліся, гэтыя 10 дзён назаўжды застануцца ў нашым сэрцы.

Тэкст: Кірыл Дашук.
Здымкі: Андрэй Маталыга.

Праект адбыўся ў межах праграмы “Эразмус+” пры падтрымцы нямецкай грамадскай арганізацыі “Natur Kultur” у партнёрстве з ГА “Цэнтр “Трэці Сектар”.

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • З Аргентыны ў Гродна. Шукаем рээмігрантаў, пра якіх у 1950-х знялі сюжэт
    «Добра адпачываць у нядзельны дзень на беразе роднага Нёмана. Асабліва пасля 19-гадовай разлукі з гэтымі месцамі», – так пачынаецца невялікі відэасюжэт пра сям’ю Сімановічаў, якая ў 1956 годзе вярнулася ў Гродна з Аргентыны. Рэдакцыя Hrodna.life хоча адшукаць нашчадкаў гэтай сям’і, каб даведацца, як склаўся лёс гродзенскіх рээмігрантаў. Сімановічы з’ехалі з Гродна ў даваенны перыяд, калі […]
  • Каля Бераставіцы загінула рыба праз выкід хімічных рэчываў. Распачалі крымінальную справу
    Рыба масава загінула ў рацэ Бераставічанка Бераставіцкага раёна ў канцы чэрвеня 2020 года. Вынікі пробаў паказалі высокае ўтрыманне хімічных рэчываў. Пракуратура ўзбудзіла крымінальную справу. Утрыманне ў вадзе хімічных і іншых рэчываў перавышае нарматывы дапушчальных канцэнтрацый. Гэта паказала даследаванне вады з некалькіх месцаў у раёне каналізацыйнай помпавай станцыі Бераставіцкага ЖКГ. Сума шкоды, нанесенай навакольнаму асяроддзю, склала […]
  • “Лекары і родныя ні на што не спадзяваліся”. Жыхарка Ліды пра тое, як перажывае каранавірус
    Раіса Дзікевіч сышла на бальнічны 2 красавіка. Першапачаткова думалі, што бранхіт, так і лячылі. Але жанчыне станавілася ўсё горш і горш, і 13 красавіка яна трапіла ў рэанімацыю. Далей былі медыкаментозны сон, тры тыдні на апараце ШВЛ і пяць пераліванняў плазмы. “Лекары і родныя ўжо ні на што не спадзяваліся, я цудам выжыла”, – распавядае […]
  • У Беларусі за суткі COVID-19 заразіліся 221 чалавек. Што вядома аб наступствах каранавіруса?
    У Беларусі на 8 ліпеня зарэгістраваныя 64 224 (+221) чалавекі са станоўчым тэстам на COVID-19. Ачунялі і выпісаныя 52 854 пацыенты (+952), памерлі – 443 (+7), паведамляе Міністэрства аховы здароўя. Усяго праведзена 1 087 245 тэстаў. Што кажуць навукоўцы пра наступствы COVID-19? У цяперашні час доўгатэрміновы ўплыў каранавіруса на арганізм вывучаны не да канца. Пакуль […]
© 2012-2015 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"