Як зрабіць Гродна горадам, прыязным да сталых людзей

Змяніць памер шрыфта Болей Меней Скінуць
Як зрабіць Гродна горадам, прыязным да сталых людзей

Гэтае пытанне абмяркоўвалі 24 кастрычніка ўдзельнікі Круглага стала ў межах мерапрыемстваў Экспрэсу Арганізацыі Аб’яднаных Нацый, які завітаў у гэты дзень у Гродна.

Удзел у мерапрыемстве ўзяло каля 60 чалавек з грамадскіх і дзяржаўных арганізацый горада. Вялікую групу ўдзельнікаў сустрэчы складалі слухачы праграмы “Універсітэт Залатога Веку”, які быў заснаваны ў 2010 г. ГА “Цэнтр “Трэці сектар”.

krugly stol

Як адзначыла ў час адкрыцця сустрэчы кіраўніца праграмы УЗВ Лана Руднік (на здымку ніжэй ля мікрафона), удзел сталых людзей у мерапрыемстве вельмі сімбалічны, бо многія з іх з’яўляюцца аднагодкамі ААН, якая святкавала 24 кастрычніка свой 70-ты год нараджэння.

krugly stol

Пытанні старэння насельніцтва ўжо некалькі дзесяцігоддзяў знаходзяцця ў фокусе ўвагі ААН. Пра гэта ў сваёй прамове адзначыла намесніца прадстаўніка Фонда ААН па народанасельніцтве (UNFPA) ў Беларусі Алена Касько (на здымку ніжэй).

krugly stol

Па яе словах, ужо сёння 13% насельніцтва Беларусі складаюць людзі ва ўзросце вышэй за 65 год і гэтая колькасць ў бліжэйшыя пару дзесяцігоддзяў вырасце ў два разы.

З наступнага года ў Беларусі UNFPA распачынае вялікую праграму, накіраваную на ўдасканаленне дэмаграфічнай палітыкі і практык працы са сталымі людзьмі.

Демографическое старение общества: программа действий ООН from Third Sector

Намесніца начальніка гарадскога ўпраўлення працы, занятасці і сацыяльнай абароны насельніцтва Наталля Шэмет распавяла пра тое, што робяць улады для паляпшэння якасці жыцця сталых людзей.

Намеснік старшыні абласнога савету ветэранаў Іван Трусіла распавёў пра дзейнасць сваёй арганізацыі.

krugly stol

Асістэнтка кіраўніка праграмы УЗВ Ганка Барадзіна расказала пра міжнародную сетку гарадоў і супольнасцяў, прыязных да сталых людзей, ініцыяваную ў 2005 г. Сусветнай арганізацыяй аховы здароўя.

Канцэпцыя “Горад, прыязны да сталых людзей” from Third Sector

Па словах Ганкі, толькі за апошнія 4 месяцы колькасць гарадоў, якія ўваходзяць у гэтую сетку, вырасла з 258 да 287 (у 33 краінах свету). Агулам у такіх гарадах жыве звыш 110 млн. чалавек.

Ганка Барадзіна прадставіла механізм далучэння да гэтай сеткі, у аснове якога ляжыць распрацоўка гарадской праграмы, накіраванай на паляпшэнне якасці жыцця сталых людзей па 8-мі асноўных паказчыках.

Старшыня праўлення ГА “Цэнтр “Трэці сектарВітаўт Руднік распавёў пра тое, чым можна напоўніць такую праграму.

krugly stol

Яе ключавымі элементамі могуць стаць стварэнне гарадской кансультацыйнай рады па пытаннях сталых людзей, заснаванне “Залатой карткі сталага гарадзенца”, якая будзе даваць зніжкі на тавары і паслугі, арганізацыя геранталагічных кабінетаў пры гарадскіх паліклініках, развіццё “Універсітэту Залатога Веку” і іншых адукацыйна-асветніцкіх пляцовак, стварэнне курсаў падрыхтоўкі да выхаду на пенсію і г.д.

Горад, прыязны да сталых людзей from Third Sector

Ініцыятары кампаніі “Горад, прыязны да сталых людзей” плануюць да канца бягучага года перадаць свае прапановы ўладам горада і вобласці і спадзяюцца, што да 2018 г. Гродна стане першым беларускім горадам, які далучыцца да міжнароднай супольнасці гарадоў, прыязных да сталых людзей.

krugly stol

Круглы стол быў арганізаваны ўстановай “Цэнтр дадатковай адукацыі дарослых “Студыя карысных кампетэнцый” і беларускім Прадстаўніцтвам Фонда ААН па народанасельніцтву.

Фота: Рон Сольфа, Ірына Новік (“Твой стыль“), Вітаўт Руднік

Праект “Універсітэт Залатога Веку: развіццё актыўнасці і самадапамогі сталых жыхароў Гродна” рэалізуецца грамадскім аб’яднаннем “Цэнтр “Трэці сектар” і прафінансаваны Фондам “Памяць, адказнасць і будучыня” (EVZ) у межах праграмы “Месца сустрэчы: дыялог”. Арганізатар праграмы ў Беларусі – міжнароднае грамадскае аб’яднанне “Узаемапаразуменне”.

Гэтая публікацыя не адлюстроўвае меркаванне фонда EVZ. Адказнасць за змест нясе аўтар/нясуць аўтары.

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Аўтар сагі, па якой зняты серыял «Гульня тронаў»: Гэта яшчэ не канец
    Стваральнік сагі «Песня лёду і полымя» (A Song of Ice and Fire) Джордж Марцін апублікаваў у сябе ў блогу вялікі пост, прысвечаны фіналу серыялу «Гульня тронаў». У ім ён паабяцаў скончыць кніжную сагу, фінал якой будзе (а можа, і ня будзе) адрознівацца ад таго, што было паказана на экране, піша svaboda.org. «Людзі пытаюцца цяпер: чым […]
  • “Не прапаганда, а гістарычная праўда”. У Гродна прыехалі рэканструктары Войска Польскага
    Салдат польскай арміі і паліцэйскі ў форме 1939 года шпацыравалі па цэнтры Гродна, як і 80 гадоў таму. Гэта былі ўдзельнікі групы ваенна-гістарычнай рэканструкцыі «Беларусы ў Войску Польскім». Яны прыехалі ў Гродна 21 мая, прайшліся па вуліцах, зрабілі фатаграфіі і пагутарылі з гараджанамі. Рэканструктары на чале з гісторыкам Ігарам Мельнікавым рэгулярна выязджаюць у розныя гарады […]
  • Ля Гродна з’явіцца яшчэ адзін пешаходны мост
    Ён з’явіцца на базе адпачынку “Дом рыбака” ў Каробчыцах у 2020 годзе. Акрамя маста, на тэрыторыі з’явяцца пляж на 65 чалавек, навес з мангалам для ўрачыстых мерапрыемстваў, поле для мініфутбола, пешаходныя дарожкі, шэсць назіральных пляцовак, пляцоўка для смеццевых кантэйнераў і малыя архітэктурныя формы. Фактычна, гэта будуць два мосты, якія злучаць берагі пруда Верхняе на рацэ […]
  • Стала вядома, калі адкрыецца абласная філармонія
    7 чэрвеня ў абласной філармоніі адкрыюць канцэртную залу. Адсвяткуюць падзею вялікім гала-канцэртам. Артысты абласной філармоніі выступяць сумесна з зоркамі беларускай эстрады. У фае разгорнуцца выставы і фотазоны, паведамляе grodnonews.by. Набыць квіткі можна ўжо з заўтрашняга дня. Арганізатары разлічваюць на поўны аншлаг. Яны абяцаюць, што сцэна зможа прыняць больш за 1200 гледачоў, а сучаснае тэхнічнае абсталяванне […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY