Яўген Сліж: “Разам для птушак і людзей”

Змяніць памер шрыфта Болей Меней Скінуць
Яўген Сліж: “Разам для птушак і людзей”

Мы працягваем знаёмства з намінантамі конкурсу “Будзь у Трэцім!”.  Сёння мы паразмаўляем з Яўгенам Сліжам, сябрам  Савету Гродзенскага абласнога аддзялення ГА “Ахова птушак Бацькаўшчыны”.

Як узнікла ідэя стварэння сайту www.birdwatch.by? Якія цяжкасці былі на першым этапе?

Сайт прысвечаны назіранням за птушкамі ў Беларусі. Па-англійску для гэтага занятку ёсць агульнапрыняты тэрмін – birdwatch. Адсюль паходзіць і назва нашага сайту – BIRDWATCH.BY

Сайт быў задуманы напачатку 2008 года, а пачаў працаваць вясной 2009.  Асноўнай цяжкасцю было асвойванне новай сферы не толькі  ў журналістыцы, але і ў стварэнні сайтаў. Было важна на першым этапе размежаваць нашыя мары і рэальныя магчымасці. Магчымасці мы рэалізавалі, таму на дадзеным этапе мы пераходзім да мар.

Асноўная мэта вашага сайту?

Асноўнай мэтай нашага сайту з’яўляецца стварэнне інтэрактыўнай пляцоўкі для камунікацыі людзей,  якім цікава назіраць за птушкамі. Не меньш важнай задачай з’яўляецца знаёмства незаангажаваных людзей з тым, што назіраць за птушкамі захапляльна, і як вынік, прыцягнуць новых сяброў у нашу арганізацыю “Ахова птушак Бацькаўшчыны”.

Ці ёсць у вашага сайта асаблівасці? Чым ён адрозніваецца ад іншых?

Наш сайт першы ў Беларусі, які накіраваны на бёдуочараў (аматараў назіраць за птушкамі),  і другі, які прысвечаны птушкам. Можна сказаць, ён першая ластаўка ў дадзенай сферы ў Беларусі, у тым і яго перавага, што ён існуе і ствараецца бёдуочарамі для саміх жа бёдуочараў.

Планы на бліжэйшыя гады?

У бліжэйшыя гады плануецца дапрацоўка раздзелаў “Вызначальнік” і “Месцы назіранняў”, якія дазволяць выкарыстоўваць сайт не толькі для камунікацыі, але і як інфармацыйна-даведкавую крыніцу. Плануем працягнуць арганізацыю онлайн-трансляцыі з гнязда сокалаў-пустэльг, якая ўжо паспяхова праводзіцца 2 гады. І  традыцыйна, будзем праводзіць шматлікія конкурсы і акцыі, звязаныя з назіраннямі птушак у Беларусі.

Ці жадаеце вы дадаць штосьці ад сябе?

Шчыра запрашаю далучыцца да нашай супольнасці, завітаць на сайт www.birdwatch.by, а больш за ўсё, сустрэцца з вамі ў рэальнасці і разам паназіраць за птушкамі.

21 Верасня 2011 | Няма каментароў |

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Адсочваць чэргі на мяжы можна будзе праз мабільную прыладу
    Ініцыятарам праекта выступіў Дзяржаўны мытны камітэт. Праект ўжо адобраны Саветам міністраў, але дакладнай даты запуску пакуль не называюць, перадае TUT.BY. Падобная прылада ўжо ёсць у Беларусі, але інфармацыя ў ёй абнаўляецца па меры актыўнасці карыстальнікаў. Асаблівасць новага дадатка ў тым, што ў рэжыме рэальнага часу можна будзе даведацца пра чэргі на кожным пункце пропуску, працэдурах […]
  • Дзе спаў Баторый і што знайшлі археолагі: у Гродне чарговы раз абмеркавалі будучыню Старога замка
    Круглы стол, прысвечаны актуальным праблемам рэканструкцыі Старога замка, прайшоў у Гродне 15 кастрычніка. Нагода для сустрэчы спецыялістаў – набліжэнне да канца першай чаргі будаўніцтва на замку. Цяпер улады прыступаюць да стварэння дэтальнага праекта другой чаргі – уласна палаца Стэфана Баторыя. Яго праект таксама намаляваны Уладзімірам Бачковым, аднак будзе яшчэ ў дэталях прапрацаваны архітэктарамі і інжынерамі. Зачыняюць замак каб правесці даследаванні Улады прынцыпова адкрытыя ў справе […]
  • У Гродне адкрываецца бясплатная тэхна-выстава «Сусвет інтэрнэту»
    Упершыню ў Гродне пройдзе выстава «Сусвет інтэрнэту», на якой можна будзе «прагуляцца» па віртуальнай «планеце» і даведацца, як правільна паводзіць сябе ў інтэрнэце. Ролю экспанатаў будуць выконваць генератар надзейных пароляў, kinect-экраны для барацьбы з вірусамі, сэнсарная сцяна і інш. Першую экскурсію для дзяцей і СМІ правядзе Георгій Калдун. «Сусвет інтэрнэту» – гэта сумесны праект Міністэрства […]
  • У Гродне пачалі працы па пабудове вялікага кальца
    Вялікае кальцо вакол Гродна плануюць пабудаваць да 2030 года. Будаўніцтва разбіта на пяць этапаў. Першы з іх – рэканструкцыю былога чыгуначнага маста пад аўтамабільны з выхадам на М6 – ужо ўзялі ў працу, паведамляе «Гродзенская праўда». Цяпер адначасова працуюць над чатырма аб’ектамі пабудовы аб’язной дарогі. На трох з іх задзейнічаны ААТ «Дарожна-будаўнічы трэст №6 г. […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY