“За годнае даўгалецце”: удзельнікі кааліцыі абмеркавалі найбліжэйшыя планы

Змяніць памер шрыфта Болей Меней Скінуць
“За годнае даўгалецце”: удзельнікі кааліцыі абмеркавалі найбліжэйшыя планы

Маніторынг хода распрацоўкі Нацыянальнай стратэгіі актыўнага даўгалецця, падрыхтоўка да Форума актыўнага даўгалецця, візіт да патэнцыйных партнёраў з Германіі. Гэтыя і іншыя пытанні абмяркоўваліся 22 сакавіка на чарговай працоўнай сустрэчы арганізацый і экспертаў, якія ўваходзяць у кааліцыю “За годнае даўгалецце”.

Галоўныя фокусам дзейнасці кааліцыі на гэтым этапе з’яўляецца ўдзел у распрацоўцы Нацыянальнай стратэгіі актыўнага даўгалецця. Яшчэ ў лістападзе ад імя кааліцыі ў Міністэрства працы былі накіраваныя прапановы па змесце Стратэгіі.

На сваёй чарговай працоўнай сустрэчы сябры кааліцыі дамовіліся актывізаваць працу па маніторынгу за ходам падрыхтоўкі гэтага стратэгічна важнага для нашай краіны дакумента.

4 красавіка у парламенце адбудзецца Круглы стол, дзе будзе абмяркоўвацца падрыхтоўка Стратэгіі. Удзел у гэтым мерапрыемстве возьме вядомая беларуская экспертка і ўдзельніца кааліцыі Раіса Сінельнікава. Па выніках Круглага стала сябры кааліцыі скарэктуюць план сваіх дзеянняў па ўдзеле ў распрацоўцы Стратэгіі.

На 1-2 кастрычніка папярэдне запланавана правядзенне Форума актыўнага даўгалецця, які адбудзецца ў Мінску.

24-27 сакавіка дэлегацыя кааліцыі накіроўваецца ў нямецкі горад Арнсберг, дзе будзе знаёміцца з нямецкім досведам працы па распрацоўцы нацыянальных і мясцовых планаў дзеянняў па паляпшэнні якасці жыцця сталых людзей. У час візіту будуць таксама абмеркаваныя ідэі адносна супрацоўніцтва кааліцыі з нямецкімі арганізацыямі.

У склад кааліцыі зараз уваходзяць гарадзенскія ГА “Цэнтр “Трэці сектар” і ўстанова “Цэнтр дадатковай адукацыі дарослых “Студыя карысных кампетэнцый“, міжнароднае грамадскае аб’яднанне “Узаемапаразуменне” (Мінск), ГА “Залаты ўзрост” (Віцебск), ГА “Беларуская асацыяцыя сацыяльных работнікаў” (Мінск), “Кобрынскі Клуб дзелавых жанчын “Бона”, “Хэсэд-Рахамім” (Мінск), “Беларускае рэспубліканскае геранталагічнае грамадскае аб’яднанне” старшыні Радаў гарадзенскага “Універсітэту Залатога Веку” і мінскага “Універсітэту трэцяга ўзросту“, а таксама некалькі экспертаў.

Каардынатарам кааліцыі на сустрэчы 22 сакавіка быў зацверджаны сябра праўлення ГА “Цэнтр “Трэці сектар” Вітаўт Руднік.

Кааліцыя адкрытая да далучэння іншых арганізацыі і экспертаў. Ахвотным зрабіць гэта неабходна падпісаць Мемарандум кааліцыі.

Чарговая сустрэча сябраў кааліцыі запланаваная на 12 красавіка.

Сачыць за навінамі дзейнасці кааліцыі “За годнае даўгалецце” можна ў групе кааліцыі ў Фэйсбуку.

 

 

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Вясновы майстар-клас “БРОШКА-БУКЕЦІК З ФААМІРАНУ”
    Жавароначкі ўжо прыляцелі, вясна, здаецца, ужо тут даўно, але мы пачакаем каляндарную і запросім вас на ВЯСНОВЫ МК “БРОШКА-БУКЕЦІК З ФААМІРАНУ” 7 САКАВІКА разам з майстрыцай на ўсе рукі Кацярынай Неўгень зробім пяшчотнае ўпрыгожванне – брошку з фаамірану ў выглядзе вясновага букету 💐 Пачатак а 15 гадзіне, кошт 20 руб (для сталых наведнікаў 18 руб). Чакаем […]
  • Выстава Джорджа Пэддэр-Сміта
    Джордж Пэддэр-Сміт ізноў збірае сяброў у нашым Цэнтры гарадскога жыцця!!! Запрашаем 27 лютага на вернісаж выставы і на добрую музыку The post Выстава Джорджа Пэддэр-Сміта appeared first on Hrodna.life.
  • Мова Нанова з Андрэем Палудам
    Ці сапраўды ёсць такія ўчынкі, пакараннем за якія можа быць толькі смерць? Ці былі ў Беларусі памылковыя растрэлы? Якім будзе свет, калі на волю выйдуць Брэйвік, менскі «юнак з бензапілой», хлопчык са Стоўпцаў, які забіў настаўніцу і свайго аднагодку? Гэтыя і іншыя пытанні абмеркуем разам з праваабаронцам і каардынатарам кампаніі «Скажы не смяротнаму пакаранню» Андрэем […]
  • Некоторое отсутствие пуговиц
    А ці не правесці нам зіму (што б гэта не азначала ў бягучым годзе )) класнай гарадзенскай музыкай?! Запрашаем у Цэнтр 29 лютага а 19.00 The post Некоторое отсутствие пуговиц appeared first on Hrodna.life.
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY