Заняткі ва “Універсітэце Залатога Веку” аднавіліся з планавання дабрачынных акцый

Змяніць памер шрыфта Болей Меней Скінуць
Заняткі ва “Універсітэце Залатога Веку” аднавіліся з планавання дабрачынных акцый

Віншаванні са святамі, планаванне добрых справаў і пачастункі ад сяброў з Літвы – усё гэта чакала студэнтаў УЗВ, якія сабраліся 10 студзеня на першую пасля вакацый агульную сустрэчу.

У пачатку сустрэчы студэнты УЗВ атрымалі падарунак ад Вільнюскага Універсітэту трэцяга веку – традыцыйны літоўскі шакоціс.

Напярэдадні Новага года студэнты і выкладчыкі гэтага ўніверсітэту наведалі наш горад і нават зладзілі сумесную навагоднюю вечарыну са студэнтамі УЗВ.

Сябра Рады УЗВ Ларыса Ганчар прэзентуе атрыманы ад сяброў з Вільні навагодні шакоціс

Старшыня Рады УЗВ Ларыса Кіркевіч распавяла пра тыя добрыя справы, якія былі зроблены ў першым семестры: прыбіранне могілак, паездка ў дом-інтэрнат у Мураванцы, збор макулатуры.

Старшыня Рады УЗВ Ларыса Кіркевіч распавядае пра добрыя справы, якія студэнты УЗВ паспелі зрабіць у першым семестры

Студэнты вельмі актыўна адрэагавалі на прапанову новых сумесных мерапрыемстваў і акцый у межах “Школы Добрых Спраў”.

За час сустрэчы было агучана 14 дабрачынных ініцыятыў.

Сярод новых прапаноў – збор ахвяраванняў для “Аховы птушак Бацькаўшчыны”, сустрэчы ў клубе “Сяброўская гасцёўня”, стварэнне сувенірнага фонда “Майстэрня”, прыбіранне тэрыторыі каля рэчкі па вулАжэшкі і інш.

Школа добрых справаў з’яўляецца адным з галоўных накірункаў працы “Універсітэту Залатога Веку”.

Студэнты УЗВ штогод самастойна плануюць і здзяйсняюць у межах Школы каля дзясятка дабрачынных акцый і мерапрыемстваў на карысць горада і людзей, якія маюць патрэбу ў дапамозе.

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Віртуальны шпацыр па Гродне: Крэйдавыя горы
    З-за пандэміі каранавіруса многія не рызыкуюць сваім здароўем і сядзяць дома ў ізаляцыі. З гэтай нагоды разам з гісторыкам Андрэем Чарнякевічам мы вырашылі зрабіць для чытачоў віртуальны пшпацыр па Гродне.  Пачалі з Крэйдавых гор ва ўрочышчы Пышкі. “Мы пачынаем падарожжа з наваколляў Мелавых (Крэйдавых) гор. Шмат для каго з гарадзенаў гэтае месца вядомае, але яно цікавае […]
  • Мільён долараў супраць каранавірусу. ЗША выдзялілі Беларусі грошы на барацьбу з пандэміяй
    Беларусь атрымае ад Злучаных Штатаў Амерыкі гуманітарную грашовую дапамогу ў памеры  1,3 млн долараў. Сродкі выдзелены для барацьбы супраць распаўсюду каранавіруснай інфекцыі, паведаміў  27 сакавіка сайт Дзярждэпартаменту ЗША. У пастанове адзначана, што сродкі могуць быць выкарыстаны, у прыватнасці, для падрыўтоўкі лабараторнай сістэмы, актывізацыі пошукаў захварэўшых, на эпідэмічны надзор і кантроль сітуацыі, тэхнічную дапамогу экспертным арганізацыям, […]
  • Сямён Шапіра расказаў, як стаў гаспадаром дзвюх элітных кватэр коштам каля $250 тысяч
    Былы кіраўнік Мінскай вобласці Сямён Шапіра стаў гаспадаром дзвюх суседніх кватэр у адным з дамоў у «Алімпік Парку» — жыллёвым комплексе каля заказніка «Лебядзіны», піша nn.by. Як стала вядома «Нашай Ніве», яму належаць двое суседніх апартаментаў плошчай 100 м2 і 63 м2 адпаведна. Агульны рынкавы кошт гэтага жылля складае каля $250 тысяч. «Я ўпершыню ў жыцці пабудаваў […]
  • Калі ў Беларусі абвесцяць эпідэмію і варта хадзіць у кафэ? Мінздароўя адказала на хвалюючыя пытанні
    Міністэрства аховы здароўя тлумачыць, што цяпер сітуацыя з каранавірусам пад кантролем і няма неабходнасці ўводзіць больш жорсткія меры. Аднак медыкі даюць пэўныя рэкамендацыі, якіх варта цяпер прытрымлівацца, і адказваюць на хвалюючыя пытанні, піша Onliner.by. Як блізка Беларусь знаходзіцца да эпідэміялагічнага парога? – Вельмі складана сказаць, наколькі мы блізкія да парога. Пакуль сітуацыя кантралюемая за кошт […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY