Запрашаем на абмен па аргразвіцці і фандрэйзінгу ў Чарнагорыі

Змяніць памер шрыфта Болей Меней Скінуць
Запрашаем на абмен па аргразвіцці і фандрэйзінгу ў Чарнагорыі

Гарадзенскае ГА “Цэнтр “Трэці сектар” сумесна з European Dialogue шукае 4 удзельнікаў (18-30 год) з Беларусі для ўдзелу ў трэнінгу “Moving ideas forward: guidance to successful youth organisations”, які пройдзе 14 – 21 кастрычніка ў Падгорыцы, Чарнагорыя.

Пра праект

Праект, арганізаваны European Dialogue і Mladiinfo Montenegro, будзе закранаць агульныя выклікі, якія паўстаюць перад моладзевымі арганізацыямі. Падчас некалькіх год кааперацыі арганізацыі-чальцы асацыяцыі European Youth Press (у тым ліку і  ГА “Цэнтр “Трэці сектар”) змаглі вызначыць найбольш часта сустракаемыя праблемы арганізацый.

Самыя вялікія з іх былі абраныя ў якасці тэмаў для гэтага міжнароднага абмена:

  1. Устойлівы НГА-менеджмент, уключаючы дэмакратычныя працэсы ў арганізацыі, лідарства і матывацыя валанцёраў, уключанасць меншасцяў і людзей у складаных жыццёвых сітуацыях, недыскрымінацыя і даступнасць.
  2. Паспяховы фандрэйзінг, праектны менеджмент і ацэнка, у тым ліку камунікацыі і тэхналогіі для планавання і ацэнкі дзейнасці.
  3. Развіццё міжнародных кантактаў і кааперацыі.

Удзельнікі_цы праекта:

  • -Даведаюцца больш пра паспяховае і эфектыўнае развіццё і кіраванне НГА, атрымаюць практычныя навыкі ў гэтай сферы.
  • -Атрымаюць навыкі ў развіцці праектаў, іх кіраванні і фандрэйзінгу.
  • -Атрымаюць навыкі ў развіцці арганізацыйных стратэгій і напісанні праектных заявак.
  • -Змогуць паспрабаваць сучасныя тэхналогіі ў камунікацыі, планаванні і ацэнцы.
  • -Змогуць дзяліцца досведам з калегамі і аднагодкамі, стаць мультыплікатарамі.
  • -Змогуць наладзіць міжнародныя кантакты і супрацу.

Удзельнікі_цы будуць працаваць у малых групах (да 5 чалавек) і распрацуюць канцэпцыю арганізацыйнай стратэгіі або праекта на тэму па выбару.

Фінансавыя ўмовы

Пражыванне, ежа і матэрыялы трэнінгу  цалкам аплочваюцца праграмай Erasmus+.

Выдаткі за дарогу  будуць вернутыя ў памерах да 275 еўра. 

Адабраныя ўдзельнікі_цы самі набываюць квіткі, атрымаўшы пацверджанне ад ГА “Цэнтр “Трэці сектар”. Арганізатары могуць дапамагчы з пошукам самых зручных і танных варыянтаў даезду.

Удзельнікам_цам з Беларусі непатрэбная віза для знаходжання ў Чарнагорыі (калі вы не збіраецеся ехаць наземным транспартам праз краіны ЕС).

Удзельнікі_цы самі набываюць страхоўку на час трэнінгу.

Патрабаванні да кандыдатаў_к:

  • -Маладыя валанцёры_кі або супрацоўнікі НГА, людзі, зацікаўленыя ў арганізацыйным і праектным развіцці і фандрэйзінгу.
  • -18-30 гадовыя.
  • –Рэзідэнты Беларусі.
  • Добрае валоданне ангельскай мовай (працоўная мова трэнінга).

Заяўка

Зацікаўленыя кандыдаты_кі могуць падаць заяўку, даслаўшы свае рэзюме (пажадана ў фармаце Europass) і матывацыйны ліст (да адной старонкі А4) па-ангельску на электронную пошту 3sektaryia@gmail.com з тэмай ‘Moving Ideas Forward’.

Крайні тэрмін падачы заяўкі – 4 верасня 2018.

Пра вынікі адбору будзе паведамлена да 7 верасня.

24 Жніўня 2018 | Няма каментароў | Пазнакі: ,

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Жаночы раман часоў пандэміі. Cерця 6. Крыся выходзіць замуж
    Вы памятаеце Крысю з першай серыі фотарамана? У гэтым сюжэце яна з’яўляецца зноў і выходзіць замуж. Хто стаў яе выбраннікам і як склаўся лёс дзяўчыны з 70-х – чытайце і глядзіце ў чарговай гісторыі ад Наталлі Дораш. Улетку 1974 г. мая прыяцелька Крысціна запрасіла мяне на вяселле. Выходзіла яна замуж не па гарачым каханні, а […]
  • Гол Марушыча прынёс “Нёману” сёмую перамогу запар
    4 ліпеня гродзенскі клуб атрымаў сёмую перамогу запар у чэмпіянаце Белаурсі. Падапечныя Ігара Кавалевіча ў Гродна абыгралі Іслач – 1:0. Адзіны гол у матчы на 91-й хвіліне забіў Зоран Марушыч. Сем перамог запар – гістарычная серыя для гродзенскай каманды. Галоўны трэнер ” Нёмана “Ігар Кавалевіч пасля матчу: – Быў цяжкі матч з добрай камандай. У […]
  • Адключаць гарачую ваду ў Гродне пачнуць з 8 ліпеня
    Адключэнні гарачай вады ў Гродне пачнуцца ў пачатку ліпеня і завершацца 25 жніўня, паведамлялі раней grodnonews.by у Гродзенскай гарадскай ЖКГ. Для паступовага і раўнамернага адключэння гарачай вады горад падзелены на тры зоны. Першая зона: занеманская частка горада, Прынеманне, частка цэнтра горада – з 8 па 21 ліпеня ў раёнах вуліц: Антонава, Аульская, другі завулак Белуша […]
  • У 2020 годзе ў Беларусі вырасла колькасць перадазіровак ад наркотыкаў
    У Беларусі адзначылі рост колькасці зарэгістраваных выпадкаў перадазіроўкі, паведамілі ў мясцовай міліцыі. Чатыры чалавекі ў 2020 годзе пасля атручвання памерлі. На працягу 2015-2018 гадоў у Гродзенскай вобласці зніжалася колькасць атручванняў. У 2015 годзе іх было 43, а ў 2018 — толькі 4. У 2019 годзе колькасць атручванняў паднялася да 10. За сем месяцаў у 2020 […]
© 2012-2018 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"