Запрашаем на Медыяменеджмент і ІТ форум

Змяніць памер шрыфта Болей Меней Скінуць
Запрашаем на Медыяменеджмент і ІТ форум

25-27 кастрычніка ў Мінскім міжнародным адукацыйным цэнтры імя Ёханэса Раў адбудзецца Медыяменеджмент & ІТ форум. Тэмай форума ў 2018 годзе стане “Медыяменеджмент у лічбавую эпоху: выклікі, трэнды і стратэгіі”.

Падаваць заяўку запрашаюцца кандыдаты з Беларусі: журналісты, рэдактары, медыя эксперты, IT-актывісты, зацікаўленыя ў працы з медыяпраектамі, а таксама прадстаўнікі няўрадавых арганізацый, якія маюць уласныя медыяпраекты.

Медыяменеджмент & IT форум збярэ прынамсі 100 удзельнікаў з Беларусі, краін Усходняга Партнёрства і Еўрапейскага Саюза, якія на працягу трохдзённай дыскусійна-адукацыйнай пляцоўкі будуць працаваць з тэмамі вызначэння і абмеркавання магчымых стратэгій бізнесу і кіравання ў сферы медыяіндустрыі ў Еўропе, а таксама распачнуць спробу ацаніць іх актуальнасць і эфектыўнасць у эпоху, калі традыцыйныя СМІ выцясняюцца глабальнымі лічбавымі медыягігантамі ў пытаннях стварэння і распаўсюджвання кантэнту сярод аўдыторыі.

Феномен дэзінфармацыі, зніжэнне даверу да традыцыйных СМІ і згуба апошнімі свайго ўплыву і фінансавых рэсурсаў – сярод тэндэнцый, якія сёння турбуюць медыясупольнасць ва ўсім свеце. Стан СМІ ў Беларусі, у прыватнасці, і ў краінах Усходняга Партнёрства, ускладняецца шэрагам іншых праблем, уключаючы параўнальна нізкі ўзровень развіцця расследавальніцкай журналістыкі і фактчэкінгу.

Форум будзе складацца з чатырох панэльных дыскусій з удзелам мясцовых і міжнародных экспертаў, а таксама тэматычных майстар-класаў у рамках ключавых секцый, якія ідуць паралельна: Кіраванне СМІ і стварэнне кантэнту, Расследвальніцкая журналістыка, Устойлівасць СМІ і новыя рэсурсы манетызацыі, Інструменты IT і расследавання на падставе адкрытых крыніц. У кожнай секцыі запланавана па 4 майстар-класы, што дасць магчымасць выбраць найбольш цікавую для вас тэму і наведаць усе секцыі.

Мерапрыемства пройдзе ў Мінскім міжнародным адукацыйным цэнтры (г. Мінск, пр. Газеты Праўда, 11).

Пачатак форуму запланаваны на 9:30 раніцы 25.10.2018, а заканчэнне на 15:00 27.10.2018.

Мова мерапрыемства – пераважна руская; будзе забяспечаны сінхронны пераклад з англійскай мовы.

Удзел у форуме бясплатны. Удзельнікам, якія не пражываюць у Мінску, кампенсуюцца транспартныя выдаткі і будзе забяспечана пражыванне. Кейтэрынг падчас мерапрыемства будзе прадастаўлены рэстаранам Westfalia.

Адбор будзе праводзіцца на конкурснай аснове. Калі вы зацікаўлены ва ўдзеле, просім запоўніць заяўку да 30 верасня 2018 г.

Па дадатковую інфармацыю можна звяртацца да Мэнэджара адукацыйных і PR праектаў IBB-Minsk  Дмітрыя Дабравольскага – dobrovolski@ibb.by.

Медыяменеджмент & IT форум арганізаваны Мінскім міжнародным адукацыйным цэнтрам імя Ёханэса Раў ў партнёрстве з Акадэміяй Deutsche Welle, Беларускай асацыяцыяй журналістаў, “Цэнтрам дадатковай адукацыі дарослых “Студыя карысных кампетэнцый“, і Даследчым цэнтрам EAST пры ўдзеле “Цэнтра інфармацыйнай падтрымкі грамадскіх ініцыятыў” Трэці Сектар”.

Першы такога кшталту Форум быў праведзены ў Мінску ў 2016 г.

11 Верасня 2018 | Няма каментароў |

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • “Дажынкі” ў Іўі: ежа-арт і агра-трэш. Глядзім, чаго было больш
    Конкурсныя караваі з разнастайнай аздобай, батонавае дрэва, жанчына-стол, інсталяцыі з яблык і гарбузоў, бульбяны конь і скокі з караваямі – “Дажынкі” пакрысе ператвараюцца ў адмысловы фэст ежа-арту. Канешне не абышлося і без звыклых ужо для афіцыйных “Дажынак” скульптур – саламяных лялек з пукатымі вачыма, дзедаў ды бабак на вазах і г.д.  Глядзім падборку фота, як […]
  • У Іў’і падарылі электрамабілі раённай бальніцы і цэнтру сацабслугоўвання
    Двума новымі электрамабілямі беларускай зборкі папоўніўся аўтапарк сацыяльнай сферы Іўеўскага раёна, перадае БЕЛТА. Такі незвычайны падарунак зрабіў Міністр прыродных рэсурсаў і аховы навакольнага асяроддзя Беларусі ў гонар абласнога фэсту-кірмашу “Дажынкi”. Міністр прыродных рэсурсаў і аховы навакольнага асяроддзя Андрэй Худык уручыў ключы ад электрамабіляў прадстаўнікам цэнтра сацыяльнага абслугоўвання насельніцтва Іўеўскага раёна і Іўеўскага цэнтральнага раённага шпіталя. Мінпрыроды […]
  • Чаму колькасць беларусаў, што з’язджаюць у Польшчу на заробкі, за тры гады вырасла ў 14 разоў
    BBC прааналізаваў колькасць запрашэнняў, атрыманых беларусамі ад польскіх працадаўцаў, і выявілася, што колькасць беларусаў, якія з’язджаюць на заробкі ў Польшчу, з 2014 па 2017 год вырасла ў 14 разоў. У мінулым годзе на працу да суседзяў з’ехаў цэлы беларускі райцэнтр. У пошукавіках Google і «Яндэкс» запыты пра працу ў Польшчы апераджаюць традыцыйныя яшчэ нядаўна пошукі […]
  • У Гродне адбудзецца мітап Inspired BY Рэгіён для гарадскіх актывістаў
    У праекта INSPIRED BY (раней вядомага як Mediabarcamp) доўгая гісторыя па ўлучэнні дэмакратычных актывістаў і арганізацый з Беларусі ў працэсы гарадскога актывізму, знаёмства з культурай супрацы, заснаванай на дэмакратычных прынцыпах. Сёлета, упершыню ў гісторыі, праект прыходзіць у рэгіёны Беларусі. Inspired BY Рэгіён будзе праходзіць у чатырох рэгіёнах (Віцебск, Брэст, Горадня, Гомель) напрацягу цэлага дня, каб […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY