Запрашаем на Першы беларускі Форум-Фестываль універсітэтаў трэцяга ўзросту

Змяніць памер шрыфта Болей Меней Скінуць
Запрашаем на Першы беларускі Форум-Фестываль універсітэтаў трэцяга ўзросту

Да ўдзелу запрашаюцца прадстаўнікі беларускіх, міжнародных і замежных арганізацый, якія займаюцца адукацыяй і актывізацыяй сталых людзей, адстойваннем інтарэсаў сталых людзей, прадстаўнікі дзяржаўных ворганаў улады, міжнародныя эксперты.

Мэтамі Форуму-Фестывалю, які адбудзецца 25-27 траўня ў Мінску, з’яўляюцца:

– павышэнне інфармаванасці пра міжнародныя і нацыянальныя стратэгіі дзеянняў па пытаннях старэння насельніцтва і ролі некамерцыйных арганізацый, акадэмічнай супольнасці, розных адукацыйных пляцовак для сталых людзей у рэалізацыі гэтых стратэгій;

– умацаванне супрацоўніцтва паміж арганізацыямі, якія займаюцца працай па адукацыі і актывізацыі сталых людзей, а таксама абмеркаванне прыярытэтаў і механізмаў сумеснай працы;

– абмен досведам і прэзентацыя лепшых практык дзейнасці ў сферы адукацыі і актывізацыі сталых людей.

У першы дзень Форуму-Фестывалю адбудзецца дыскусія “Міжнародныя і нацыянальныя планы дзеянняў па пытаннях старэння і роля некамерцыйных арганізацый, акадэмічнай супольнасці, розных адукацыйных пляцовак для сталых людзей у рэалізацыі гэтых планаў”.

Сярод выступоўцаў будуць такія вядомыя спецыялісты, як Аляксандр Сідарэнка (старэйшы дарадца Еўрапейскага цэнтру палітыкі і даследаванняў сацыяльнага дабрабыту, Аўстрыя), Ірына Калабіхіна (доктар эканамічных навук, прафесар, загадчыца кафедрай народанасельніцтва эканамічнага факультэта Маскоўскага дзяржаўнага ўніверсітэту, экспертка ураду Расійскай Федэрацыі і ўраду Масквы па пытаннях сацыяльнай палітыкі і дэмаграфіі).

У другі дзень адбудзецца Форум партнёрства, прысвечаны абмеркаванню магчымасцяў супрацоўніцтва паміж арганізацыямі, якія займаюцца адукацыяй сталых людзей.

У гэтай частцы праграмы будуць прадстаўленыя досвед краін Балтыі, Польшчы і Украіны па арганізацыі ўзаемадзеяння паміж рознымі арганізацыямі, якія дбаюць пра павышэнне якасці жыцця сталых людзей. У час Форуму будзе абмеркавана пытанне пра стварэнне ў Беларусі нефармальнай сеткі арганізацый, якія займаюцца адукацыяй сталых людзей.

У гэты ж дзень пачнецца Фестываль лепшых практык, у межах якога прадстаўнікі беларускіх і замежных арганізацый змогуць прадставіць свае майстар-класы, прэзентацыі, выставы.

Скончыцца Форум-Фестываль урачыстым канцэртам, які адбудзецца 27 траўня.

Арганізатары:

Грамадскае аб’яднанне “Беларуская асацыяцыя сацыяльных работнікаў” (г. Мінск)
Установа “Цэнтр дадатковай адукацыі дарослых “Студыя карысных кампетэнцый” (г. Гродна)
Грамадскае аб’яднанне «Цэнтр інфармацыйнай падтрымкі грамадскіх ініцыятыў “Трэці сектар” (г. Гродна).

Партнёры:

Прадстаўніцтва Фонда ААН у галіне народанасельніцтва (ЮНФПА) у Беларусі
Міжнароднае грамадскае аб’яднанне “Узаемапаразуменне” (г. Мінск)
DVV-International

Умовы ўдзелу:

Для ўдзелу неабходна запоўніць электронную анкету-заяўку.

Пасля атрымання пацверджання аб ухваленні вашай заяўкі неабходна аплаціць рэгістрацыйны ўнёсак у памеры 5 руб. (рэквізіты для аплаты будуць паведамленыя дадаткова адабраным удзельнікам) і даслаць копію дакумента аб аплаце па эл.пошце forum.fest2018@gmail.com

Да ўдзелу ў мерапрыемстве будуць запрошаныя ўдзельнікі, заяўкі якіх былі ўхваленыя і якія аплацілі рэгістрацыйны ўнёсак.

Рэгістрацыйны ўнёсак будзе накіраваны на кампенсацыю арганізацыйных выдаткаў, звязаных з падрыхтоўкай і правядзеннем мерапрыемства.

Запоўненую анкету-заяўку, анкету арганізацыі/праекта для публікацыі ў электронным каталогу арганізацый-удзельніц Форуму-Фестывалю неабходна даслаць не пазней за 14 мая 2018 г.

Вынікі адбору будуць вядомыя  20 мая 2018 г.

Арганізатары не кампенсуюць транспартныя выдаткі і пражыванне ўдзельнікаў.

Для іншагародніх удзельнікаў ёсць магчымасць арганізацыі харчавання і пражывання ў г. Мінску.

Па пытаннях ўдзелу ў Форуме-Фестывалі звяртайцеся: forum.fest2018@gmail.com

Форум-Фестываль стане лагічным працягам двух буйных міжнародных канцерэнцый па пытаннях паляпшэння якасці жыцця сталых людзей, якія адбыліся раней у Гродне (2013 і 2016 гг.).

24 Красавіка 2018 | Няма каментароў | Пазнакі:

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • «Mama mia 2». Калі перамагае маркота
    Хочаце палюбіць мюзіклы, але не ведаеце з чаго пачаць? Паглядзіце першую частку «Mama mia». Хочаце назаўсёды расчаравацца ў гэтым жанры? Ідзіце ў кіно на «Mama mia 2». Хіт дзесяцігадовай даўніны 10 гадоў таму на экраны выйшаў чарговы музычны фільм, дзе героі аддаюць перавагу не прамаўляць дыялогі, а спяваць іх. І знешне ўсё было выдатна: знаёмыя […]
  • “Мы заўсёды спадзяваліся толькі на сябе”. Кіраўнік “Контэ Спа” – пра аблігацыі, бялізну, ветракі і “Акропаліс”
    Аб арганічнай фермерскай гаспадарцы, якую стварылі заснавальнікі “Контэ Спа” Валянцін і Дзмітрый Байко, можна было пачытаць у мінулым месяцы. Падчас камандзіроўкі ў Вялікую Бераставіцу ў Гродзенскай вобласці карэспандэнты TUT.BY распыталі Валянціна Валянцінавіча і пра іншыя кірункі яго бізнесу. Атрымалася пазнавальна. «У брэсцкую “панчошку” ўклалі больш за 10 млн еўра» Выручка COOO “Контэ Спа”, лідара ў […]
  • Кубак Салея: “Нёман” абыграў зборную “U-20” і выйшаў у фінал
    Падапечныя Сяргея Пушкова ў Гродне 20 жніўня абыгралі зборную “U-20” і выйшлі ў фінал турніру, дзе сустрэнуцца з “Дынама-Маладзечна”. “Нёман” здолеў на сваёй пляцоўцы абыграць няўступлівую моладзь з “U-20” – 4: 1 А інтрыга ў групавым этапе захоўвалася да апошняга і было незразумела хто пройдзе ў фінал турніру. Дзякуючы перамогам у асноўны час у “Шахцёра”, […]
  • «Наша прабабуля была першай фатографкай на тэрыторыі Беларусі». Сям’я Райхштэйн з Канады наведала Гродна
    Напярэдадні Дня фотаздымка, які адзначаюць 19 жніўня, Гродна наведала сям’я Райхштэйн з Канады. Іх сваячка Ента (Яўгенія) Райхштэйн не проста мела ў горадзе ўласную фотамайстэрню. Яна была першай на тэрыторыі сучаснай Беларусі прафесійнай фатографкай. Фотаатэлье сям’і Райхштэйн знаходзілася на вуліцы Мураўёўскай, 29 – сучаснай Ажэшкі. Па інфармацыі нашчадкаў Енты, братоў Хумана і Ірвіна, студыя іх […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY