Запрашаем у каманду IV Фестывалю журналістыкі “Твой стыль”

Змяніць памер шрыфта Болей Меней Скінуць
Запрашаем у каманду IV Фестывалю журналістыкі “Твой стыль”

Гэта прапанова для тых, хто гатовы ўзяцца за амбітную і творчую працу ў камандзе, якая рыхтуе адну з найбольш яркіх падзеяў у жыцці журналісцкай супольнасці Беларусі.

Фестываль журналістыкі “Твой стыль” адбудзецца ў сярэдзіне траўня ў Гродне. У праграме Фестывалю – майстар-класы ў выкананні вядучых беларускіх і замежных журналістаў, цікавыя прэзентацыі, выставы, сустрэчы са стваральнікамі дакументальнага кіно, падсумаванне вынікаў нацыянальнага конкурсу для журналістаў-пачаткоўцаў.

“Разынкамі” Фестывалю стануць таксама фінал другога нацыянальнага Фотабатла для маладых фотарэпарцёраў, паэтычны слэм (“бітва паэтаў”), які адбудзецца ў межах культурніцкай праграмы Фестывалю і іншыя цікавыя імпрэзы.

Мы шукаем камунікабельнага чалавека, гатовага ўзяць на сябе каардынацыю працы аргкамітэту, камунікацыю з партнёрамі Фестывалю.

Нам патрэбныя таксама спецыяліст па сувязях з грамадскасцю, каардынатары Фотабатла і культурніцкай праграмы Фестывалю.

Калі ты адчуваеш, што гэтая праца табе па сілах – дасылай да 1 лютага заяўку ў вольнай форме з апісаннем сваёй матывацыі і сваіх уменняў на адрас lana.rudnik@gmail.com

Не забудзь таксама пазначыць, на якую пасаду (пасады) у аргкамітэце прэтэндуеш!

Па гэтым жа адрасе звяртайся па дадатковую інфармацыю наконт гэтай прапановы.

Калі ты не гатовы/гатовая выконваць каардынатарскую працу, але маеш жаданне папрацаваць у аргкамітэце Фестывалю ў якасці валанцёра – таксама напішы пра гэта на пазначаны вышэй адрас.

Мы будзем удзячныя таксама за прапановы адносна зместу Фестывалю!

Папярэднія Фестывалі журналістыкі “Твой стыль” ладзіліся ў Гродне ў 2007, 2010 і 2012 гг.

Больш падрабязную інфармацыю пра іх можна атрымаць на сайце 3sektar.by/fest

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • З Аргентыны ў Гродна. Шукаем рээмігрантаў, пра якіх у 1950-х знялі сюжэт
    «Добра адпачываць у нядзельны дзень на беразе роднага Нёмана. Асабліва пасля 19-гадовай разлукі з гэтымі месцамі», – так пачынаецца невялікі відэасюжэт пра сям’ю Сімановічаў, якая ў 1956 годзе вярнулася ў Гродна з Аргентыны. Рэдакцыя Hrodna.life хоча адшукаць нашчадкаў гэтай сям’і, каб даведацца, як склаўся лёс гродзенскіх рээмігрантаў. Сімановічы з’ехалі з Гродна ў даваенны перыяд, калі […]
  • Каля Бераставіцы загінула рыба праз выкід хімічных рэчываў. Распачалі крымінальную справу
    Рыба масава загінула ў рацэ Бераставічанка Бераставіцкага раёна ў канцы чэрвеня 2020 года. Вынікі пробаў паказалі высокае ўтрыманне хімічных рэчываў. Пракуратура ўзбудзіла крымінальную справу. Утрыманне ў вадзе хімічных і іншых рэчываў перавышае нарматывы дапушчальных канцэнтрацый. Гэта паказала даследаванне вады з некалькіх месцаў у раёне каналізацыйнай помпавай станцыі Бераставіцкага ЖКГ. Сума шкоды, нанесенай навакольнаму асяроддзю, склала […]
  • “Лекары і родныя ні на што не спадзяваліся”. Жыхарка Ліды пра тое, як перажывае каранавірус
    Раіса Дзікевіч сышла на бальнічны 2 красавіка. Першапачаткова думалі, што бранхіт, так і лячылі. Але жанчыне станавілася ўсё горш і горш, і 13 красавіка яна трапіла ў рэанімацыю. Далей былі медыкаментозны сон, тры тыдні на апараце ШВЛ і пяць пераліванняў плазмы. “Лекары і родныя ўжо ні на што не спадзяваліся, я цудам выжыла”, – распавядае […]
  • У Беларусі за суткі COVID-19 заразіліся 221 чалавек. Што вядома аб наступствах каранавіруса?
    У Беларусі на 8 ліпеня зарэгістраваныя 64 224 (+221) чалавекі са станоўчым тэстам на COVID-19. Ачунялі і выпісаныя 52 854 пацыенты (+952), памерлі – 443 (+7), паведамляе Міністэрства аховы здароўя. Усяго праведзена 1 087 245 тэстаў. Што кажуць навукоўцы пра наступствы COVID-19? У цяперашні час доўгатэрміновы ўплыў каранавіруса на арганізм вывучаны не да канца. Пакуль […]
© 2012-2014 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"