Запрашаем у Школу сучаснай журналістыкі

Змяніць памер шрыфта Болей Меней Скінуць
Запрашаем у Школу сучаснай журналістыкі

Удзел у Школе сучаснай журналістыкі  дазваляе не толькі авалодаць прафесійнымі навыкамі, але і навучыцца пісьменна выказваць свае думкі, лёгка камунікаваць з рознымі суразмоўцамі, аналізаваць інфармацыю і займальна распавядаць пра самыя звычайныя падзеі.

Навучанне будзе карысна тым, хто хоча больш даведацца пра працу ў сферы журналістыкі і паспрабаваць на практыцы, што значыць быць журналістам.

Вучыцца ў Школе можна ў любым узросце.

Калі вы хочаце стаць прафесіяналам у сферы журналістыкі і атрымаць досвед практычнай працы — чакаем вас у нашай Школе!

Чаму варта вывучаць журналістыку менавіта ў нашай школе?

– у нас вялікі досвед выкладання журналістыкі — гэта ўжо 19 набор слухачоў у Школу;
– лепшыя слухачы нашай Школы ўжо знайшлі працу ў сферы журналістыкі, перамагаюць на нацыянальных і міжнародных журналісцкіх конкурсах нацыянальныя і міжнародныя журналісцкія конкурсы;
– у Школе вы атрымаеце не толькі тэарэтычныя веды, але іпрымеце ўдзел ў практычных занятках — слухачы падчас навучання ў Школе праходзяць стажыроўку ў рэдакцыях гарадскіх анлайн выданняў;

Агульная працягласць курсу — 84 акадэмічныя гадзіны. Заняткі праходзяць два разы на тыдзень — адзін занятак у вячэрні час у будні дзень і майстар-клас у дзённы час у суботу. Заняткі пачынаюцца ў лістападзе 2016 года і доўжацца да сярэдзіны лютага 2017 года (з перапынкам на калядныя вакацыі).

Падчас навучання ў Школе вы даведаецеся:

       – дзе і як шукаць тэмы для сваіх артыкулаў і рэпартажаў;
       – як цікава пісаць у розных жанрах;
       – сакрэты стварэння ідэальных загалоўкаў;
       – як знайсці падыход да любога суразмоўцы;
       – як пісаць цікавыя анонсы па сумным прэс-рэлізам;
       – як якасна візуалізаваць складаную інфармацыю;
       – як выкарыстоўваць сацыяльныя сеткі для прасоўвання вашых артыкулаў;
       – дзе шукаць інфармацыю пра гранты, конкурсы і стажыроўкі для журналістаў.

DPcxpC0yj_Q

Пасля заканчэння Школы сучаснай журналістыкі вы зможаце:

     – пісаць навіны і рабіць рэпартажы;
     – працаваць з інфармацыйнымі крыніцамі, знаходзіць актуальную і праўдзівую інфармацыю;
     – рабіць прыгожую і зразумелую інфаграфіку;
     – рабіць фотарэпартажы для сваіх артыкулаў;
     – ствараць відэарэпартажы.

Кошт навучання складае 120 рублёў за курс лекцый і майстар-класаў (40 рублёў на месяц). Слухачы, якія выконваюць штотыднёвыя хатнія заданні, атрымліваюць зніжку 30%.

Лепшыя слухачы Школы могуць атрымаць прапанову супрацоўніцтва з анлайн СМІ.

Пасля паспяховага заканчэння Школы сучаснай журналістыкі слухачы атрымліваюць сертыфікат і рэкамендацыйны ліст ад арганізатараў Школы. Гэтыя дакументы могуць Вам спатрэбіцца пры працаўладкаванні і далейшай прафесійнай дзейнасці.

Для запісу ў Школу журналістыкі дастаткова запоўніць электронную анкету да 23 лістапада 2016 года. Усе пытанні вы можаце задаць па тэлефоне +375 29 262 24 52.

Сардэчна запрашаем у Школу сучаснай журналістыкі!

17 Лістапада 2016 | Няма каментароў | Пазнакі: ,

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Якой будзе дарожная інфраструктура ў мікрараёне Грандзічы
    Новы мікрараён Грандзічы пачалі ўзводзіць крыху больш за год таму. На дадзены момант тут ужо здадзены некалькі дамоў у эксплуатацыю, працягваецца ўзвядзенне жылой забудовы, вядуцца актыўныя работы па пракладцы дарог. -На цяперашні час мы ўжо ўвялі дзве – вуліца Асфальтная і частка вуліцы Глухава. У цяперашні час вядуцца будаўніча-мантажныя працы на вуліцы Саяпіна, якую плануем […]
  • “У Гродне сфармаваўся свой рынак тарыфаў”? Чаму таксісты мала зарабляюць (і страйкуюць)
    Сёння на паркоўцы гродзенскага гіпермаркета “Карона” на страйк на некалькіх дзясятках аўто сабраліся таксісты. Кіроўцы занепакоеныя недастатковымі тарыфамі і прапануюць урэгуляваць рынак пасажырскіх перавозак у рэгіёне, піша grodnonews.by. Па іх словах, новыя агрэгатары таксі першапачаткова даплачвалі, калі кошт заказу быў менш за мінімальны. Зараз даплаты прыбралі, разам з гэтым прыкметна ўпала заработная плата. – Зараз […]
  • Нічога добрага. Чаму ў кастрычніку квітнеюць каштаны – і чым гэта пагражае
    Сёлета кастрычнік радуе беларусаў цёплым і сонечным надвор’ем. У некаторых гарадах паўторна квітнеюць каштаны. Белыя кветкі, якія з’явіліся на дрэвах побач з жоўтым пожухлым лісцем, заўважылі ў Магілёве, Гродне і Бабруйску, а ў Віцебску па другім разе распусціўся бэз, піша tut.by. Праўда, спецыялісты кажуць, што для дрэў восеньскіе кветкі не абяцаюць нічога добрага. Восеньскае квітненне дрэў, […]
  • МВФ залічыў Беларусь да краінаў, якія развіваюцца
    Міжнародны валютны фонд стаў ужываць у справаздачах новы падзел краінаў на групы. Цяпер краіны Садружнасці незалежных дзяржаваў (СНД) не групуюцца разам, піша “Радыё Свабода”. Частка краінаў СНД, у ліку якіх і Беларусь, трапіла ў групу «Еўропа, што паўстае і развіваецца» (Emerging and Developing Europe). У гэтай групе цяпер таксама Малдова, Расея і Украіна – разам з Вугоршчынай, […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY