Запрашаем журналістаў на медыяхакатон IdeaLab

Змяніць памер шрыфта Болей Меней Скінуць
Запрашаем журналістаў на медыяхакатон IdeaLab

ГА “Цэнтр “Трэці сектар” бярэ ўдзел у падрыхтоўцы медыяхакатона IdeaLab, які адбудзецца ў Мінску 7-8 кастрычніка.

Што такое IdeaLab?
Гэта магчымасць для журналістаў і грамадзянскіх актывістаў з рознымі ведамі і кампетэнцыямі падзяліцца сваім вопытам, сумесна працуючы над захапляльным крэатыўным і грамадска значным медыяпраектам.

Паўтара месяца мы збіралі ад НДА і грамадзянскіх актывістаў заяўкі-тэмы, якія яны хацелі б абмеркаваць і рэалізаваць у выглядзе медыяпраектаў з дапамогай журналістаў, інфаграфераў і дызайнераў.

Гэтыя тэмы – наш вялікі-вялікі сакрэт. І яго мы раскрыем у самы першы дзень хакатона. Усяго іх будзе 10, а значыць выбар у журналістаў, якія прыйдуць на хакатон, будзе. Большасць з іх ляжыць у сацыяльнай плоскасці, але ёсць і культурныя, і нават «зялёныя».
Праслухаўшы прэзентацыі ўсіх тэм, журналісты самі абяруць тэмы, над якімі будуць працаваць. Пры гэтым, зразумела, колькасць месцаў у кожнай камандзе будзе абмежавана. Так што вызначацца трэба будзе хутка і весела!

Далей пачнецца праца над медыяпраектамі ў групах, у якія войдуць не толькі журналісты, але і прадстаўнікі тых НДА, якія заявілі тэмы. Яны будуць і памочнікамі, і экспертамі, і крыніцамі. Іх задача – прадставіць усе неабходныя матэрыялы, кантакты, дадзеныя, якія будуць пакладзены ў аснову праекта.

Над кожным праектам таксама будуць працаваць і ментары з Беларусі, Украіны і Расіі.

Такім чынам, групы будуць працаваць, прыдумляць, крэатывіць, засвойваць новыя інструменты, дапамагаць іншым групам і, нарэшце, змогуць прадставіць на суд нашага прафесійнага журы свае праекты. У журы, дарэчы, увойдуць ментары і арганізатары.

А далей будуць прызы. І магчымасць апублікаваць напрацаваны матэрыял у вашых медыя. І не толькі ў вашых! Ну і, галоўнае, журналісты забяруць з сабой багаж новых ведаў, шмат важных кантактаў і бясцэнны скарб у выглядзе вопыту ўдзелу ў медыяхакатоне.

Калі вы хочаце прыняць удзел у хакатоне, трэба падаць заяўку.

Дэдлайн падачы заяўкі – 2 кастрычніка.

Больш падрабязную інфармацыю глядзіце па спасылцы.

28 Верасня 2017 | 1 каментар | Пазнакі:

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • У Гродне чатырохгадовы хлопчык выпаў з акна шматпавярховіка
    На вуліцы Дамброўскага з акна шматпавярховіка выпаў чатырохгадовы хлопчык. Яго маці ў той час выпівала. Вечарам 24 мая жанчына пайшла з сынам у госці да знаёмых. Дарослыя выпівалі, дзеці бегалі побач. У нейкі момант адзін з хлопчыкаў знік. Высветлілася, што каля паловы на дзесятую вечара дзіця знаходзілася каля акна. Хлопчык змог адкрыць створкі і выпаў з […]
  • У Бярозаўцы хочуць усталяваць помнік заснавальніку шклозавода Юліюсу Столе
    На платформе Talaka пачаўся збор сродкаў на ўсталяванне помніка Юліюсу Столе, які заснаваў шклозавод «Нёман» у Бярозаўцы. Шклозаводу «Нёман» у Бярозаўцы, Лідскага раёну, сёлета спаўняецца 135 гадоў. Гісторыя гэтага месца непарыўна звязана з развіццём шклозавода «Нёман». Але у горадзе да гэтай пары няма помніка заснавальніку завода Юліюсу Столе. Юліюс Аўгусцінавіч Столе, спачатку арандатар, а потым […]
  • Ланч-меню на 25 мая. Прапановы ў розных частках горада
    Хутка абед і мы прапануем вам актуальныя ланч-меню Гродна на 25 мая. Сёння ў нашым аглядзе 8 гродзенскіх кафэ і рэстаранаў. Спадзяёмся, што такі сервіс дапаможа вам добра правесці перапынак у працы і наведаць тое месца, дзе ёсць вашы любімыя стравы. Смачна есці! «Старый город», вул. Дубко, 17, Гандлёвы цэнтр Old City «Старый город», ланч-меню на 25 мая «Бизнес-паб», […]
  • Фотафакт: Сямашка паказаў свой новы аб’ект у цэнтры Гродна
    У будынка, які знаходзіцца на вуліцы Калючынскай, 23, пакуль гатовы толькі фасад. Аб’ект плануюць здаць цалкам да верасня. Там павінен адкрыцца рэстаран «Хотей» і апарт-гатэль. Акрамя гэтага ў будынку плануюць размясціць яшчэ фітнес-цэнтр і офісы. Побач з’явіцца паркоўка для 20 аўтамабіляў. Мела быць толькі гасцініца Нежылы будынак на вуліцы Калючынскай прадпрымальнік Станіслаў Сямашка набыў на […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY