Звыш ста чалавек заявілася на канферэнцыю па актывізацыі сталых людзей

Змяніць памер шрыфта Болей Меней Скінуць
Звыш ста чалавек заявілася на канферэнцыю па актывізацыі сталых людзей

Заяўкі на ўдзел у мерапрыемстве даслалі прадстаўнікі грамадскіх і дзяржаўных арганізацый, а таксама ВНУ з розных гарадоў Беларусі, Украіны, Польшчы, Літвы і Расіі.

Міжнародная канферэнцыя, прысвечаная сацыялізацыі, інтэлектуальнай, фізічнай і сацыяльнай актывізацыі сталых людзей адбудзецца ў Гродне 29-30 сакавіка. Яе ўдзельнікі абмяркуюць выклікі, якія стаяць перад грамадствам у выніку старэння насельніцтва, пазнаёмяцца з цікавымі прыкладамі працы са сталымі людзьмі ў Беларусі і суседніх з ёй краінах.

У межах канферэнцыі адбудуцца тэматычныя круглыя сталы, прысвечаныя міжсектарнаму супрацоўніцтву, дыялогу паміж пакаленнямі і валанцёрскай працы, фізічнаму і псіхічнаму здароўю ў сталым узросце, падрыхтоўцы спецыялістаў па адукацыі дарослых. Асобны блок канферэнцыі будзе прысвечаны прэзентацыі досведу працы “Універсітэтаў Трэцяга Ўзросту” і іншых падобных праектаў і праграм у розных краінах.

Адным з найважнейшых мерапрыемстваў у межах канферэнцыі стане дыскусія па наладжванні супрацоўніцтва на нацыянальным і рэгіянальным узроўнях у сферы сацыялізацыі і актывізацыі сталых людзей.

Арганізатарамі міжнароднай канферэнцыі “Інтэлектуальная, фізічная і сацыяльная актывізацыя сталых людзей” з’яўляюцца грамадскае аб’яднанне “Цэнтр “Трэці сектар”, якое з 2010 г. ладзіць праграму “Універсітэт Залатога Веку”, а таксама Прадстаўніцтва зарэгістраванага таварыства «Deutscher Volkshochschul-Verband e.V.» (Федэратыўная Рэспубліка Германія) у Республіцы Беларусь.

Праграма канферэнцыі з’явіцца ў хуткім часе на нашым сайце.

 

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Гродзеншчына стала самай забяспечанай вобласцю Беларусі. Але паказчыкі падаюць
    Узровень малазабяспечанасці ў Гродзенскай вобласці – 3,5% (35,9 парадку тысячы). Гэта лепшы паказчык сярод абласцей Беларусі. FINANCE.TUT.BY паглядзеў, як паказчык малазабяспечанасці адрозніваецца па рэгіёнах. За рысай беднасці ў першым квартале знаходзілася 4,7% насельніцтва. Сярэднедушавыя наяўныя рэсурсы гэтых беларусаў недацягвалі да бюджэту пражытачнага мінімуму, гэта значыць былі ніжэйшыя за суму 250 рублёў. Вышэй за ўсё ўзровень […]
  • Шоперы з супрэматычным прынтам. Як гэта выглядае і хто іх шые
    Ліда Малчанава – швачка і канструктар адзення, а Лена Шымчык – дырэктарка аўтасэрвісу. Яны пазнаёміліся ў Гродзенскім дзіцячым хоспісе, калі прыйшлі сюды валанцёрамі. На мінулым тыдні разам з іншымі валанцёрамі яны шылі ахоўныя камбінезоны для медыкаў, а цяпер шыюць сумкі-шоперы для дабрачыннага праекта Hrodna.life у падтрымку хоспіса “Супрэматызм. Мастацтва. Дабрачыннасць”. Замовіць шопер і ахоўную маску […]
  • У Гродне вайскоўцы ўпусцілі бульдозер. Як гэта адбылося?
    1 чэрвеня з трала ваенных упаў цяжкі вайсковы бульдозер. Гэта адбылося на вуліцы Горкага, насупраць рынку “Карона”, паведамляюць чытачы “АўтаГродна”. Трал вёз цяжкую тэхніку ў бок Гожскага палігона. Насупраць “Кароны” бульдозер па нейкіх прычынах апынуўся на асфальце, пашкодзіўшы і дарожнае пакрыццё, і бардзюры з газонам. Верагодна, ён з’ехаў з трала ў момант павароту з вуліцы […]
  • У Гродне затрымалі яшчэ двух удзельнікаў каманды Ціханоўскага
    Удзельнікаў праекту youtube-канала “Страна для жизни” Арцёма Сакава і Канстанціна Сярогіна затрымалі 31 траўня каля 11 вечара ў Гродне, паведамляюць праваабаронцы. Хлопцаў забралі супрацоўнікі на аўтамабілі з мінскімі нумарамі прама з кватэры, дзе яны знаходзіліся. Месцазнаходжанне і падставы затрымання Сакава і Сярогіна высвятляюцца. У мінскім ІЧУ сказалі, што яны ў Гродне, паведаміла праваабарончаму цэнтру “Вясна” […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY